26.04.2026 | 17:56
Վարազդատ Լալայանը Հայաստանի երրորդ ոսկե մեդալը նվաճեց ծանրամարտի ԵԱ-ում
Սմբատ Բարսեղյանն ու Արմեն Բիլյանը չեն մասնակցի Արայիկ Խանդոյանի հուղարկավորությանը. դատարանը մերժեց պաշտպանների միջնորդությունը
Հասարակություն
10.10.2018 | 16:54
«Սասնա Ծռեր» խմբի անդամ, երեկ երեկոյան վախճանված Արայիկ Խանդոյանի հոգեհանգստի արարողությունը տեղի կունենա հոկտեմբերի 13-ին, հուղարկավորությունը՝ հոկտեմբերի 14-ին: Խմբի գործով այսօր՝ հոկտեմբերի 10-ին անցկացվող դատական նիստին ամբաստանյալներ Սմբատ Բարսեղյանի և Արմեն Բիլյանի փաստաբանները դատարանին միջնորդեցին իրենց պաշտպանյալներին հնարավորություն տալ մասնակցել Արայիկ Խանդոյանի հոգեհանգստի և հուղարկավորության արարողություններին:
«Իմ կողմից ներկայացված միջնորդությունը ենթակա է բավարարման, քանի որ իմ պաշտպանյալ Սմբատ Բարսեղյանը և Արայիկ Խանդոյանը մտերիմ ընկերներ են: Եվ թեպետ մերձավոր ազգակցական կապ նրանց մեջ առկա չէ, չեմ կարծում, որ դա կարող է խոչընդոտ հանդիսանալ, որպեսզի դատարանը մերժի այս միջնորդությունը»,- ասաց Սմբատ Բարսեղյանի պաշտպան Մուշեղ Շուշանյանը: Նա դատարանից խնդրեց հոկտեմբերի 13-ին և 14-ին կարճատև մեկնում տրամադրել Սմբատ Բարսեղյանին: Շուշանյանի միջնորդությանը միացավ նաև Արմեն Բիլյանի պաշտպանը:
Դատարանը, սակայն, մերժեց պաշտպանների միջնորդությունը:
