07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Բաքվում Ռուբեն Վարդանյանի շինծու գործերով նիստում տասնյակ «տուժողներ» են ցուցմունք տվել
Քաղաքականություն
27.05.2025 | 21:35
Բաքվի զինվորական դատարանում այսօր տեղի է ունեցել Արցախի նախկին պետնախարար Ռուբեն Վարդանյանի շինծու գործերով դատական նիստը։ Ադրբեջանական լրատվամիջոցների հաղորդմամբ՝ հարցաքննված, այսպես կոչված, «տուժողներից» մեկի իրավահաջորդ Թահիր Ալիևը հայտնել է, թե «իր որդին՝ Սաբուհի Ալիևը, սպանվել է Մարտակերտում հայկական բանակի մնացորդների և հայկական անօրինական զինված կազմավորումների կողմից»։
Պատասխանելով դատախազ Վուսալ Աբդուլլաևի հարցերին՝ «տուժող» Սեյմուր Թեյմուրովն ասել է, թե «երկու մարդ զոհվել է, իսկ ինքը՝ վիրավորվել, երբ իր մեքենային հարվածել է հայկական կողմից արձակված «Կորնետ» հրթիռը»։
Մեկ այլ «տուժող» Ռամիլ Ալեքպերովն էլ ասել է, թե վիրավորվել է Ստեփանակերտում ականի պայթյունի հետևանքով։
Հաջորդ դատական նիստը նշանակվել է հունիսի 3-ին։
Թարգմանությունը՝ Էմմա Չոբանյանի
