19.12.2025 | 21:15
Գարեգին Բ-ն մտադիր չէ հեռանալ․ քաղաքական գնահատականներ՝ Մայր Աթոռում տեղի ունեցածի շուրջ
Մոսկվան ողջունում է հայ-թուրքական կարգավորման գործընթացը
Քաղաքականություն
25.05.2025 | 17:03
Թուրքիայի Հանրապետության արտաքին գործերի նախարար Հաքան Ֆիդանը Ռուսաստանի Դաշնության արտաքին գործերի նախարար Սերգեյ Լավրովի՝ մայիսի 25-27-ը կայանալիք հանդիպմանը նախատեսվում է, ի թիվս այլ հարցերի, մանրամասն քննարկել Անդրկովկասում առկա իրավիճակն ու համագործակցության խորացումը, ներառյալ՝ տրանսպորտային հաղորդակցության և հաղորդակցությունների ապաշրջափակումը, տարածաշրջանի հետկոնֆլիկտային վերականգնումը:
Այս մասին նշված է ՌԴ ԱԳ նախարարության տարածած հաղորդագրության մեջ:
Ռուսաստանի արտաքին քաղաքական գերատեսչությունը հայտարարել է, որ Ռուսաստանն ու Թուրքիան շահագրգռված են խաղաղ և կանխատեսելի Հարավային Կովկասի հարցում։
«Դրան կարելի է հասնել տարածաշրջանային համագործակցության «3+3» հարթակի շրջանակներում համատեղ ջանքերի շնորհիվ։ Մոսկվան ողջունում է հայ-թուրքական կարգավորման գործընթացը»,- մասնավորապես, ասված է հաղորդագրության մեջ:
Ռուսական կողմը հույս է հայտնել, որ նախարարների Մոսկվայում կայանալիք հանդիպումը կարևոր ներդրում կլինի երկու պետությունների միջև կապերի խորացման, տարածաշրջանային անվտանգության ավելի կանխատեսելի ճարտարապետության ձևավորման գործում:
