Թուրքիայի ԱԽ-ն գոհունակություն է հայտնել ՀՀ-ի ու Ադրբեջանի միջև խաղաղության պայմանագրի նախագծի համաձայնեցման կապակցությամբ

Լուրեր

19.11.2026 | 11:55
Համաշխարհային ճանաչում ունեցող առնվազն 2 կատարողների համերգ կլինի ՀՀ-ում. մրցույթներ են հայտարարվել․ ՏԵՍԱՆՅՈՒԹ
19.11.2026 | 11:51
Սահմանադրության փոփոխությունների հաջորդ օրը խաղաղության պայմանագիրը ստորագրվելու է. Ալեն Սիմոնյան․ ՏԵՍԱՆՅՈՒԹ
19.11.2026 | 11:39
Հաջորդ ընտրությանը չեմ լինի վարչապետի թեկնածու, եթե հանրաքվեում Սահմանադրությունն անցնի․ Փաշինյան․ ՏԵՍԱՆՅՈՒԹ
19.11.2026 | 11:39
Ուկրաինայի ԶՈՒ-ն անուղղակիորեն հայտնել է Ղրիմի կամրջի երկաթուղային հատվածի ավերվելու մասին
19.11.2026 | 11:30
Հայաստանը հրավիրվել է մասնակցելու ԱՄՆ-ում կայանալիք G20-ի գագաթնաժողովին
19.11.2026 | 11:22
Հաջորդ ամիս այցելելու եմ Ադրբեջան. Ալեն Սիմոնյան․ ՏԵՍԱՆՅՈՒԹ
19.11.2026 | 11:14
Ամփոփիչ մրցաշար. Ալկարասը և Տիաֆոն հաղթել են. ՏԵՍԱՆՅՈՒԹ
19.11.2026 | 11:11
Անհետ կորածների վերաբերյալ մեզ հետաքրքրող բազմաթիվ հարցերի պատասխաններն Ադրբեջանում են․ Փաշինյան
19.11.2026 | 11:05
Սի Ցզինպինի հետ հանդիպմանը Թրամփը բարձր է գնահատել իրենց անձնական հարաբերությունները
19.11.2026 | 11:00
Կառավարության նիստը՝ ՈՒՂԻՂ
19.11.2026 | 11:00
Արմավիր համայնքի ղեկավարը ևս դատի է տվել Իրինա Յոլյանին․ պահանջում է ԱԺ ամբիոնից հերքում և 3 մլն դրամ
19.11.2026 | 10:51
Ուկրաինան կրկին հարվածել է Ղրիմի կամրջին․ երթևեկությունը դադարեցված է
19.11.2026 | 10:43
Total Chess. Հայկ Մարտիրոսյանն ու Լևոն Արոնյանը հաղթանակներ են տարել
19.11.2026 | 10:33
Թրամփն ու Պուտինը բանակցություններ են անցկացրել․ հայտնի է՝ ինչ հարցեր են քննարկել
19.11.2026 | 10:25
Մեկնարկել է կենսաթոշակառուների՝ անկանխիկ գործարքների դիմաց հոկտեմբեր ամսվա հետվճարների տրամադրումը
Բոլորը

Ռեջեփ Թայիփ Էրդողանի նախագահությամբ նախօրեին տեղի է ունեցել Թուրքիայի Ազգային անվտանգության խորհրդի նիստ։

Թուրքական լրատվամիջոցների հաղորդմամբ՝ խորհուրդը մոտ 2.5 ժամ տևած նիստ է անցկացրել՝ գնահատելու վերջին զարգացումները և «ահաբեկչությունից զերծ Թուրքիայի» ուղղությամբ ընթացող գործընթացը։

Հանդիպումից հետո Թուրքիայի Ազգային անվտանգության խորհուրդը հայտարարություն է տարածել, որից պարզ է դառնում, որ Հայաստանի ու Ադրբեջանի միջև խաղաղության գործընթացը ևս քննարկվել է։

«Խորհուրդը գոհունակություն է հայտնում Ադրբեջանի և Հայաստանի միջև խաղաղության պայմանագրի նախագծի վերաբերյալ ձեռք բերված համաձայնության կապակցությամբ։ Անկարան վերահաստատում է իր սպասումները, որ կապահովվեն անհրաժեշտ պայմանները վերջնական խաղաղության հաստատման համար, որը օգուտ կբերի տարածաշրջանի բոլոր կողմերին»,-ասվում է հայտարարության մեջ։

Բացի այդ՝ խորհրդի անդամները վերանայել են «ահաբեկչությունից զերծ Թուրքիայի» նպատակին հասնելու համար ձեռնարկված քայլերը և ընդգծել իրենց վճռականությունը՝ ուշադիր հետևելու Քուրդիստանի աշխատավորական  կուսակցության՝ PKK-ի վերացման գործընթացի յուրաքանչյուր քայլին։

Մայիսի 12-ին PKK-ն պաշտոնապես հայտարարել էր  ինքնալուծարման և զինաթափման մասին։

Քննարկվել են նաև PKK/KCK-PYD/YPG-ի, FETO-ի և ԻԼԻՊ-ի դեմ գործողությունները՝ ինչպես երկրի ներսում, այնպես էլ միջազգային մակարդակով։

Խորհուրդը նաև անդրադարձել է Սիրիային՝ նշելով վճռական աջակցությունը սիրիական վարչակազմին երկրում կայունություն ապահովելու համար։ Գոհունակություն է արտահայտվել Սիրիայի նկատմամբ միջազգային պատժամիջոցների վերացման միտման վերաբերյալ։ Թուրքիայի ԱԽ-ն  քննարկել է նաև Իսրայելի գործողություններիը Գազայում՝ դրանք որակելով որպես ցեղասպանություն և օկուպացիա և արձանագրչելով, որ «Պաղեստինի, Սիրիայի, Լիբանանի և Եմենի վրա համակարգված հարձակումները խաթարում են Մերձավոր Արևելքում խաղաղության ջանքերը»։

Ռուսաստան-Ուկրաինա հակամարտության վերաբերյալ խորհուրդն արձանագրել է, որ սկսվել է պատերազմի ավարտի զգայուն շրջան։ Թուրքիան վերահաստատել է  իր հանձնառությունը՝ նպաստելու համաշխարհային խաղաղությանը և կայունությանը դիվանագիտության և միջնորդական գործունեության միջոցով՝ «երկարատև և արդար խաղաղության հասնելու համար»։

Հիշեցնենք, որ մայիսի 16-ին Ստամբուլում տեղի էին ունեցել Ուկրաինայի և Ռուսաստանի ներկայացուցիչների միջև 2022 թվականից ի վեր առաջին ուղիղ բանակցությունները։

Թարգմանությունը՝ Էմմա Չոբանյանի