06.12.2025 | 16:31
Ինչ եղանակ է սպասվում առաջիկա օրերին
ԱՄՆ կոնգրեսականները Ռուբիոյին կոչ են արել նպաստել Ադրբեջանում պահվող հայ գերիների ազատ արձակմանը, արգելափակել Բաքվին ռազմական օգնությունը
Քաղաքականություն
22.05.2025 | 11:22
ԱՄՆ Ներկայացուցիչների պալատի արտաքին հարաբերությունների հանձնաժողովում լսումների ժամանակ կոնգրեսական Քրիս Սմիթն ուղղակիորեն դատապարտել է Ադրբեջանի նախագահ Իլհամ Ալիևի գործողությունները հայ ռազմագերիների և քաղբանտարկյալների հետ կապված ու պահանջել ԱՄՆ-ի անհապաղ միջամտությունը:
«Ալիևը բռնապետ է։ Ազատ արձակեք այդ բանտարկյալներին։ Նրանց հետ սարսափելի վատ են վարվում։ Շատ հստակ է, որ Ալիևի կողմից հայերի դեմ իրականացված ցեղասպանությունից հետո կան շատ-շատ քաղբանտարկյալներ և ռազմագերիներ։ Ես պարզապես կխրախուսեի ձեզ՝ անել այն ամենը, ինչ կարող եք, որպեսզի այդ մարդկանց ազատ արձակեն»,- ասել է Սմիթը։
Ռուբիոն նշել է, որ հայ բանտարկյալների ազատ արձակումն ԱՄՆ-ի կողմից Ադրբեջանի և Հայաստանի միջև խաղաղություն հաստատելու շարունակական դիվանագիտական ջանքերի «կարևոր» բաղադրիչ է: Նա նաև հայտարարել էր, որ երկու երկրների միջև հակամարտության իրական վտանգ կա։
«Ինչ վերաբերում է Ադրբեջանին, մեր հիմնական ուշադրությունը կենտրոնացած է եղել Ադրբեջանի և Հայաստանի միջև խաղաղություն հաստատելու ուղղությամբ աշխատանքի վրա։ Այնտեղ կա հակամարտության իրական ռիսկ, որը մենք փորձում ենք կանխել, որ տեղի ունենա։ Մեր թիմերը շատ ներգրավված են այդ հարցում՝ փորձելով ինչ-որ բան ստեղծել և կանխել այնտեղ զինված միջամտությունը»,- նշել է Ռուբիոն։
Կոնգրեսական Ջիմ Կոստան նույնպես աջակցել է ԱՄՆ-ի ավելի մեծ ներգրավվածության կոչերին՝ Ադրբեջանին հաշվետու պահելու և Հայաստանի ինքնիշխանությանն ու անվտանգությանը սատարելու հարցում։
Նա Ռուբիոյին կոչ է արել պահպանել «Ազատության աջակցության մասին» օրենքի 907-րդ բաժնի սկզբունքները և արգելափակել Ադրբեջանին ռազմական օգնությունը՝ վերահաստատելով Բաքվին պատասխանատվության ենթարկելու և ԱՄՆ քաղաքականության ամբողջականությունը պաշտպանելու կարևորությունը։
«Մենք փորձել ենք երկու կողմերին, հատկապես՝ ադրբեջանական կողմին, ներկայացնել այն հսկայական օգուտները, որոնք կստացվեն խաղաղության համաձայնագիր ստորագրելուց և պատերազմի մեջ չներգրավվելուց, որը մենք կհամարենք կործանարար, հակաարդյունավետ և վերջին բանը, որ մեզ այս պահին անհրաժեշտ է տարածաշրջանում»,- հայտարարել է պետքարտուղար Ռուբիոն։
Թարգմանությունը՝ Էմմա Չոբանյանի
