12.01.2026 | 14:54
Ալեքսանդր Օվեչկինը հերթական գոլն է խփել և մոտենում է Ուեյն Գրետցկիի ռեկորդին․ ՏԵՍԱՆՅՈՒԹ
ՀՀ-ի և Ադրբեջանի միջև հակամարտության իրական վտանգ կա, որը մենք փորձում ենք կանխել. ԱՄՆ պետքարտուղար
Քաղաքականություն
21.05.2025 | 20:46
ԱՄՆ պետքարտուղար Մարկո Ռուբիոն Ներկայացուցիչների պալատի արտաքին հարաբերությունների հանձնաժողովում լսումների ժամանակ անդրադարձել է նաև Հայաստանի և Ադրբեջանի միջև խաղաղության գործընթացին։
«Մեր հիմնական ուշադրությունը կենտրոնացած է Ադրբեջանի և Հայաստանի միջև խաղաղություն հաստատելու ուղղությամբ։ Կա հակամարտության իրական վտանգ, որը մենք փորձում ենք կանխել։ Մեր թիմերը շատ ներգրավված են»,- հայտարարել է Ռուբիոն։
Նա հավելել է, որ ԱՄՆ-ը զբաղվում է նաև Ադրբեջանում բանտարկյալների և մարդու իրավունքների վատթարացման հետ կապված հարցերով։
«Մենք պետք է հավասարակշռենք այս ամենը՝ մեր ազգային շահերը և դիվանագիտությունը՝ առանց զիջելու և հնարավորություններ գտնելու այնպիսի շահեր առաջ մղելու համար, ինչպիսիք են մարդու իրավունքները: Ադրբեջանը մեզ հնարավորություն է տալիս դա անել ավելի լայն խաղաղության համատեքստում, որը մենք փորձում ենք հաստատել այնտեղ»,- վստահեցրել է ԱՄՆ պետքարտուղարը։
Թարգմանությունը՝ Էմմա Չոբանյանի
