24.06.2026 | 18:23
AI լուծումներ, աշխարհագրության ընդլայնում և շատ ավելին. Eventhub-ի նոր հնարավորություններն ու առաջարկները
Իսպանիայում ինտերնետի և հեռախոսակապի խափանումներ են գրանցվել
Քաղաքականություն
20.05.2025 | 22:39
Իսպանիայում խափանումներ են գրանցվել ֆիքսված հեռախոսակապի և ինտերնետի աշխատանքի մեջ։ Այս մասին հայտնել է El Pais-ը։
Խափանման պատճառը իսպանական Telefonica հեռահաղորդակցական ընկերությունում ցանցի թարմացման աշխատանքների ժամանակ տեղի ունեցած որոշակի միջադեպն է եղել։
«Մենք իրականացրել ենք ցանցային արդիականացումներ, որոնք ազդել են որոշ ընկերությունների որոշակի ծառայությունների վրա: Մենք աշխատում ենք այս խնդիրը լուծելու ուղղությամբ»,- հայտնել է Telefonica-ն:
Խափանումն ազդել է երկրի որոշ ինքնավար համայնքների արտակարգ իրավիճակների ծառայությունների վրա։ Տեղական ժամանակով 09:30-ին արտակարգ իրավիճակների ծառայության հեռախոսների աշխատանքը վերականգնվել է։
Լրատվամիջոցները գրում են, որ խափանումն ազդել է նաև իսպանական բոլոր առաջատար օպերատորների վրա՝ Movistar, Orange, Vodafone, Digimobil, O2: Բողոքները սկսել են ստացվել մայիսի 20-ի առավոտյան մոտավորապես ժամը 5-ին։ Downdetector կայքի տվյալներով՝ օգտատերերը հայտնել են, որ չեն կարողանում զանգեր կատարել, հաղորդագրություններ ստանալ կամ օգտվել բջջային ինտերնետից։
Հիշեցնենք, որ ապրիլին էլ Իսպանիայում ու Պորտուգալիայում զանգվածային հոսանքազրկումներ էին տեղի ունեցել։
Թարգմանությունը՝ Էմմա Չոբանյանի
