06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
30 կգ մարիխուանա, 12 կգ մեթամֆետամին և այլն․ անցնող եռամսյակում հայտնաբերվել է 173 կգ թմրանյութ․ ՏԵՍԱՆՅՈՒԹ
Հասարակություն
20.05.2025 | 13:05
«2024 թվականի ընթացքում իրավապահների կողմից հայտնաբերվել է թմրամիջոցների և դրանց պրեկուսորների հետ կապված հանցագործությունների 3639 դեպք, որը նախորդ տարվա 5070-ի դիմաց նվազում է գրանցել 1431 դեպքով», – հրավիրված մամուլի ասուլիսի ժամանակ այս մասին ասաց ՀՀ քննչական կոմիտեի մարդկանց թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչության պետ Հովհաննես Համբարյանը։
«Թմրամիջոցների ապօրինի իրացում կատարելու համար պատասխանատվության է ենթարկվել 342 անձ՝ 2023-ի՝ 351-ի դիմաց։ Այսինքն՝ գործերի նվազումը նման մեծ ծավալով չի հանգեցրել պատասխանատվության ենթարկված անձանց թվի կտրուկ նվազմանը։ Սա նշանակում է, որ պայքարի արդյունավետությունը մնացել է նույնը և ավելի բարձրացվել»։
Հովհաննես Համբարյանը մանրամասներ ներկայացրեց նաև անցնող առաջին եռամսյակում բացահայտված խոշոր չափերով թմրանյութ ներկրելու կամ իրացնելու դեպքերի հետ կապված։
Մանրամասները՝ տեսանյութում։
