18.02.2026 | 13:03
Ավստրիայի Սանկտ Փյոլթըն քաղաքում մեկնարկել է Եպիսկոպոսաց հավաքը
Ուկրաինայի պատերազմը դադարեցնելու բանակցությունները փակուղի են մտել. ԱՄՆ փոխնախագահ
Քաղաքականություն
19.05.2025 | 18:07
ԱՄՆ փոխնախագահ Ջեյ Դի Վենսը հայտարարել է, որ Ուկրաինայում պատերազմը դադարեցնելու բանակցությունները «փոքր-ինչ» փակուղի են մտել, և ԱՄՆ պաշտոնյաները գիտակցում են դա։ Այս մասին հաղորդում է Reuters-ը, որին վկայակոչում է BBC-ի ռուսական ծառայությունը։
«Կարծում եմ՝ նախագահ Դոնալդ Թրամփը կասի նախագահ Պուտինին՝ «Լսիր, դու լո՞ւրջ ես տրամադրված»։ Պուտինը, կարծես, չգիտի, թե ինչպես դուրս գալ այս պատերազմից»,- ասել է նա լրագրողներին։
ԱՄՆ փոխնախագահը կրկին նշել է, որ եթե Ռուսաստանը պատրաստ չէ մասնակցել բանակցություններին, Միացյալ Նահանգները կհեռանա գործընթացից, քանի որ դա իրենց պատերազմը չէ։
Վենսն այս հայտարարություններն արել է ԱՄՆ նախագահ Դոնալդ Թրամփի և ՌԴ նախագահ Վլադիմիր Պուտինի միջև նախատեսված հեռախոսազրույցից առաջ։
Հիշեցնենք, որ երկու երկրների նախագահների հեռախոսազրույցը նախատեսված է այսօր Մոսկվայի ժամանակով 17։00-ին։
Թարգմանությունը՝ Էմմա Չոբանյանի
