Մխչյան գյուղի դպրոցի տնօրենն ազատման դիմում է գրել, իսկ հետախուզվող մեղադրյալներից մեկը հայտնաբերվել է

Լուրեր

19.11.2026 | 11:55
Համաշխարհային ճանաչում ունեցող առնվազն 2 կատարողների համերգ կլինի ՀՀ-ում. մրցույթներ են հայտարարվել․ ՏԵՍԱՆՅՈՒԹ
19.11.2026 | 11:51
Սահմանադրության փոփոխությունների հաջորդ օրը խաղաղության պայմանագիրը ստորագրվելու է. Ալեն Սիմոնյան․ ՏԵՍԱՆՅՈՒԹ
19.11.2026 | 11:39
Հաջորդ ընտրությանը չեմ լինի վարչապետի թեկնածու, եթե հանրաքվեում Սահմանադրությունն անցնի․ Փաշինյան․ ՏԵՍԱՆՅՈՒԹ
19.11.2026 | 11:39
Ուկրաինայի ԶՈՒ-ն անուղղակիորեն հայտնել է Ղրիմի կամրջի երկաթուղային հատվածի ավերվելու մասին
19.11.2026 | 11:30
Հայաստանը հրավիրվել է մասնակցելու ԱՄՆ-ում կայանալիք G20-ի գագաթնաժողովին
19.11.2026 | 11:22
Հաջորդ ամիս այցելելու եմ Ադրբեջան. Ալեն Սիմոնյան․ ՏԵՍԱՆՅՈՒԹ
19.11.2026 | 11:14
Ամփոփիչ մրցաշար. Ալկարասը և Տիաֆոն հաղթել են. ՏԵՍԱՆՅՈՒԹ
19.11.2026 | 11:11
Անհետ կորածների վերաբերյալ մեզ հետաքրքրող բազմաթիվ հարցերի պատասխաններն Ադրբեջանում են․ Փաշինյան
19.11.2026 | 11:05
Սի Ցզինպինի հետ հանդիպմանը Թրամփը բարձր է գնահատել իրենց անձնական հարաբերությունները
19.11.2026 | 11:00
Կառավարության նիստը՝ ՈՒՂԻՂ
19.11.2026 | 11:00
Արմավիր համայնքի ղեկավարը ևս դատի է տվել Իրինա Յոլյանին․ պահանջում է ԱԺ ամբիոնից հերքում և 3 մլն դրամ
19.11.2026 | 10:51
Ուկրաինան կրկին հարվածել է Ղրիմի կամրջին․ երթևեկությունը դադարեցված է
19.11.2026 | 10:43
Total Chess. Հայկ Մարտիրոսյանն ու Լևոն Արոնյանը հաղթանակներ են տարել
19.11.2026 | 10:33
Թրամփն ու Պուտինը բանակցություններ են անցկացրել․ հայտնի է՝ ինչ հարցեր են քննարկել
19.11.2026 | 10:25
Մեկնարկել է կենսաթոշակառուների՝ անկանխիկ գործարքների դիմաց հոկտեմբեր ամսվա հետվճարների տրամադրումը
Բոլորը

Արարատի մարզի Մխչյան գյուղի դպրոցի աղմկահարույց դեպքերից օրեր անց ազատման դիմում է ներկայացրել տնօրեն Քաղցրիկ Մաթևոսյանը։ Տեղեկությունը Factor․am-ի հետ զրույցում հաստատեցին Կրթության, գիտության, մշակույթի և սպորտի նախարարությունից։

«Դպրոցի տնօրենի ժամանակավոր պարտականությունները կատարում է Մրգաստան գյուղի դպրոցի փոխտնօրենը»,- նշեց Մխչյանի վարչական ղեկավարի ժամանակավոր պաշտոնակատար Նարեկ Գալստյանը։

Factor.am-ի հարցին՝ հրահա՞նգ է եղել, որ տնօրենն ազատման դիմում գրի, թե՞ դա եղել է սեփական նախաձեռնությամբ, Գալստյանը նշեց. «Որևէ հրահանգ չի եղել»։

Հարցին՝ տնօրենից բացի այլ անձինք ազատման դիմում ներկայացրե՞լ են, Գալստյանը բացասական պատասխան տվեց։

Փորձեցինք կապ հաստատել նաև արդեն նախկին տնօրեն Քաղցրիկ Մաթևոսյանի հետ, սակայն նրա հեռախոսահամարն անհասանելի էր։

Հիշեցնենք՝ մայիսի 14-ին հայտնի դարձավ, որ Արարատի մարզի Մխչյան գյուղի Քրիստափոր Ալավերդյանի անվան միջնակարգ դպրոցում 2024 թվականի դեկտեմբերին բարձր դասարանի աշակերտները սանհանգույց են մտցրել 4-րդ դասարանի երկու աշակերտի և ստիպողաբար նրանց բերանը սպիտակ փոշենման զանգված լցրել։ Factor TV-ին ահազանգած ծնողի խոսքով՝ երեխաներին թմրանյութ են տվել՝ փոխարենը պահանջելով գումար, որը ցածր դասարանի աշակերտները ծնողներից թաքուն վերցրել են տանից՝ թմրանյութը նորից գնելու ակնկալիքով։ Այս ամենը շարունակվել է 4 ամիս, ինչից հետո ծնողներից մեկի կողմից այն բացահայտվել է։ Մայիսի 12-ին Քննչական կոմիտեում նախաձեռնվել է քրեական վարույթ, տուժող է ճանաչվել երկու երեխա, 4 անձի նկատմամբ հարուցվել է քրեական հետապնդում Քրեական օրենսգրքի 258-րդ հոդվածի 2-րդ մասի 2-րդ, 5-րդ, 8-րդ կետերով՝ շորթում, որը կատարվել է մի խումբ անձանց կողմից նախնական համաձայնությամբ անօգնական վիճակում գտնվողի, անչափահասի նկատմամբ։ Թմրանյութերի մասով այս պահին որևէ մեղադրանք առաջադրված չէ, քանի որ սպիտակ փոշենման զանգվածը փորձաքննության է ուղարկվել։ Երեք անչափահասի և մեկ չափահասի նկատմամբ հարուցվել է հանրային քրեական հետապնդում․ 2-ի նկատմամբ որպես խափանման միջոց կիրառվել է դաստիարակչական և վարչական հսկողություն, 1-ի նկատմամբ՝ տնային կալանքը և բացակայելու արգելքը։ Եվս մեկ անչափահաս, որը փնտրվում էր իրավապահների կողմից, հայտնաբերվել է. նրա նկատմամբ ևս կիրառվել է տնային կալանք։

Քննչական կոմիտեից Factor.am-ին փոխանցեցին, որ 4 մեղադրյալներին ևս ուղարկել են տոքսիկաքիմական փորձաքննության, պարզելու՝ սպիտակ փոշենման զանգվածն ինչ բաղադրություն է ունեցել։

 

Ռոզա Վարդանյան