15.03.2026 | 17:48
«Ոսկե ծիրանը» ընդգրկվել է աշխարհում անցկացվող 50 փառատոնների շարքում․ Ժաննա Անդրեասյան
Ընտրական օրենսգրքի հայեցակարգն ուղարկվել է Վենետիկի հանձնաժողով
Քաղաքականություն
09.10.2018 | 14:43
Ինչպես արդեն տեղեկացրել ենք, այսօր Կառավարությունում տեղի ունեցավ Ընտրական օրենսգրքի բարեփոխումների վերաբերյալ քննարկում, որին մասնակցում էին արտախորհրդարանական ուժերը։
Ընտրական օրենսգրքի բարեփոխումների հանձնաժողովի քարտուղար Դանիել Իոաննիսյանը նշեց, որ նոր հայեցակարգով հանվել է տարածքային ցուցակներով ընտրակարգը և սահմանվում է, որ ընտրություններն անցկացվելու են 100 տոկոս համամասնական ընտրակարգով, ֆիքսված ցուցակներով։
«Ազգային ժողովի ընտրությունների համար անցողիկ շեմը կուսակցությունների համար սահմանվում է 4 տոկոս, իսկ դաշինքների համար՝ 6 տոկոս և նախատեսվում է, որ խորհրդարանում ներկայացված քաղաքական ուժերի նվազագույն թիվը ներկայիս 3-ի փոխարեն դառնալու է 4: Փոխվել են նաև նախընտրական քարոզչության խաղի կանոնները և անվճար եթերաժամանակն է ավելացվել: Սահմանված է, որ այդ հեռուստաբանավեճերից առնվազն մեկը պետք է լինի առնվազն ընտրական ցուցակների առաջին համարների մակարդակով»,- ասաց Իոաննիսյան:
Ըստ Ընտրական օրենսգրքի բարեփոխումների հանձնաժողովի քարտուղարի՝ ԸՕ հայեցակարգը հոկտեմբերի 5-ին ուղարկվել է Վենետիկի հանձնաժողով և ԵԱՀԿ/ԺՀՄԻԳ:
