18.02.2026 | 22:52
14 ժամ ջուր չի լինի Շենգավիթ վարչական շրջանի մի շարք հասցեներում
Բաքվում շինծու գործերով դատական նիստում օտարերկրյա ԶԼՄ-ների հոդվածներ են ներկայացվել, իբր, «հայկական բանակի կողմից ադրբեջանական տարածքների գրավման մասին»
Քաղաքականություն
16.05.2025 | 22:35
Բաքվի զինվորական դատարանում այսօր կայացել է Արցախի ղեկավարների և այլ պաշտոնյաների շինծու գործերով դատական նիստը։ Ադրբեջանական լրատվամիջոցների հաղորդմամբ՝ Ադրբեջանի գլխավոր դատախազի օգնական Թուգայ Ռահիմլին սկսել է փաստաթղթերի դիտարկում, որոնք, իբր, «արտացոլում են մշակութային ժառանգության ոչնչացումը Ադրբեջանի ինքնիշխան տարածքներում, որոնք նախկինում օկուպացվել են Հայաստանի կողմից»։
Թարգմանչի օգնությամբ ուսումնասիրվել է 1993 թվականի ապրիլի 7-ին արտասահմանյան լրատվամիջոցներից մեկում հրապարակված հոդվածը, որը վերաբերում է, իբր, «հայկական բանակի կողմից Քարվաճառի գրավմանը»։ Չի նշվում, սակայն, թե ինչ լրատվամիջոցի մասին է խոսքը։
Այնուհետև ուսումնասիրվել է «Իզվեստիա» թերթում 1993 թվականի ապրիլի 2-ին հրապարակված հոդվածը։ Բացի այդ, դիտարկվել են ՄԱԿ-ի Անվտանգության խորհրդի կողմից 1993 թվականին ընդունված բանաձևերը։
Դատարանը քննարկել է միջազգային մարդու իրավունքների կազմակերպության զեկույցը, որը, իբր, փաստագրել է «1993 թվականին Ադրբեջանի տարածքում հայկական զինված ուժերի կողմից իրականացված հարձակումները»։
Պետական մեղադրանքը պաշտպանող դատախազը ներկայացրել է լուսանկարներ և տեսանյութեր, որոնք, իբր, «արտացոլում են Հայաստանի կողմից ադրբեջանական շրջանների ավերածությունները, հուշարձանների ենթակառուցվածքների ոչնչացումը»։
Հաջորդ դատական նիստը նշանակվել է մայիսի 19-ին։
Թարգմանությունը՝ Էմմա Չոբանյանի
