07.10.2026 | 23:48
Արթուր Դանիելյանը կալանավորվեց
Ուկրաինական ԱԹՍ-ները գրոհել են Ղրիմը․ պայթյուններ են տեղի ունեցել
Քաղաքականություն
16.05.2025 | 12:31
Ղրիմում մայիսի 16-ի գիշերը և առավոտյան լսվել են մի շարք պայթյուններ։ Տեղական տելեգրամ ալիքների տվյալներով՝ հարվածները ուղղված են ռուսական եղել ռուսական ռազմական օբյեկտներին։ «Крымский ветер» տելեգրամ ալիքը պնդում է, որ Ուկրաինայի զինված ուժերը հարձակվել են բռնակցված Ղրիմում գտնվող զինամթերքի պահեստի վրա։
Նշվում է նաև, որ Սևաստոպոլում պայթյունների ձայներ են լսվել Բելբեկ և Կաչա օդանավակայանների տարածքում, դրանք կրկին հարձակման են ենթարկվում։
Աղբյուրի տվյալներով՝ ուկրաինական անօդաչու թռչող սարքերը հարվածել են Պերևալնոյեի տարածքում գտնվող պահեստին, որտեղ տեղակայված է Ռուսաստանի Սևծովյան նավատորմի 126-րդ առանձին ափամերձ պաշտպանության բրիգադը։ Տելեգրամ ալիքի աղբյուրը պնդում է, որ պահեստի վրա հարվածի հետևանքով ռուս զինծառայողներ են զոհվել։
ՌԴ Պաշտպանության նախարարությունը հայտնել է, որ գիշերը ոչնչացվել կամ խափանվել է ուկրաինական 65 անօդաչու թռչող սարք։ Նշվում է, որ Սև ծովի վրա խփվել է 43 անօդաչու թռչող սարք, 21-ը՝ Ռուսաստանի կողմից բռնակցված Ղրիմի և մեկը՝ Բելգորոդի մարզի տարածքի վրա։
Ավելի վաղ Սևաստոպոլի՝ Մոսկվայի կողմից նշանակված նահանգապետ Միխայիլ Ռազվոժաևը հայտնել էր, որ Սև ծովի վրայով խոցվել է վեց անօդաչու թռչող սարք։
Թարգմանությունը՝ Էմմա Չոբանյանի
