29.04.2026 | 23:40
Հայաստան–ՄԱԿ համագործակցություն․ ուշադրության կենտրոնում՝ խոցելի խմբերի պաշտպանությունը
Բաքվում շինծու գործերով նիստում ներկայացվել են, իբր, «Կուբաթլուի և Զանգիլանի գրավման ժամանակ նկարահանված կադրեր»
Քաղաքականություն
15.05.2025 | 21:20
Բաքվի զինվորական դատարանում այսօր տեղի է ունեցել Արցախի նախկին ղեկավարների և այլ պաշտոնյաների՝ ընդհանուր 15 անձի նկատմամբ շինծու գործերով դատական հերթական նիստը։ Ադրբեջանական լրատվամիջոցների հաղորդմամբ՝ դատավարության ժամանակ ցուցադրվել են կադրեր, որոնք, իբր, «նկարահանվել են Կուբաթլուի և Զանգիլանի շրջաններում՝ հայկական զինված ուժերի օկուպացիայի ժամանակ» ։
Տեսանյութում, իբր, «երևում են սպանված և այրված ադրբեջանցի ոստիկանների մարմինները» ։
Նշվում է, թե դրանում կարելի է լսել նաև հայկական բանակի զինծառայողների միջև զրույցներ, բացի այդ, հայ զինծառայողները երգում են «Ելի՛ր, դաշնակ Դրո» երգը։
Նիստում ցուցմունք են տվել նաև «տուժողները»։
Հաջորդ դատական նիստը նշանակվել է մայիսի 16-ին։
Թարգմանությունը՝ Էմմա Չոբանյանի
