08.09.2026 | 10:31
Պապոյանը Դուբայում քննարկել է հայկական կառուցապատման ոլորտը միջազգային հարթակներում ներկայացնելու հնարավորությունները
Բաքվում ընթացող Արցախի ղեկավարների շինծու գործերով նիստում «տուժողներ» են ցուցմունքներ տալիս
Քաղաքականություն
15.05.2025 | 18:21
Բաքվում այսօր շարունակվող Արցախի ղեկավարների և այլ պաշտոնյաների շինծու գործերով նիստում կրկին, այսպես կոչված, «տուժողներ» են ցուցմունքներ տալիս։ Ադրբեջանական լրատվամիջոցների հաղորդմամբ՝ «տուժող» Քերիմ Նովրուզովն ասել է, թե, իբր, «հայկական բանակը 1991 թվականի սեպտեմբեր-հոկտեմբեր ամիսներին չորս անգամ հարձակվել է Մարտակերտի շրջանի Բաշ Գյունեյպե գյուղի վրա, որի արդյունքում զոհվել են Երկրորդ համաշխարհային պատերազմի մասնակից Գոշուն Աբդուլլաևը, Համզա Ալեքբերովը և այլ գյուղացիներ»։
Իր ցուցմունքներում Նովրուզովը նշել է, թե «հայկական բանակի վերջին լայնածավալ հարձակումը տեղի է ունեցել 1992 թվականի մարտի 12-ին»։
«Հինգ գյուղերի, այդ թվում՝ մեր Բաշ Գյունեյպե գյուղի վրա հարձակումներ են իրականացվել։ Նրանք ամբողջությամբ շրջապատել են գյուղը՝ կրակելով տանկերից և ծանր հրետանուց։ Նրանք ունեին զգալի ռազմական ուժեր, զինված էին ավտոմատ հրացաններով, գնդացիրներով և դիպուկահար հրացաններով։ Հայրս զոհվել է մարտում 1992 թվականի մարտի 12-ին՝ իր ընկերների հետ միասին։ Չնայած բանակցություններ են վարվել Վիտալի Բալասանյանի միջնորդությամբ, հայկական կողմը հրաժարվել է հանձնել հորս և մյուս զոհերի մարմինները»,- հայտարարել է Նովրուզովը։
Հավելենք, որ դատական նիստը շարունակվում է։
Թարգմանությունը՝ Էմմա Չոբանյանի
