20.02.2026 | 13:03
Թրամփը Պենտագոնին կհանձնարարի հրապարակել ՉԹՕ-ների վերաբերյալ ֆայլերը
Համացանցում մարդիկ ցանկանում են ավելի լավը երևալ, քան ֆիզիկական կյանքում են. ապաքաղաքական զրույց Սամվել Սևադայի հետ. ՏԵՍԱՆՅՈՒԹ
Հաղորդաշարեր
16.05.2025 | 21:00
Factor TV-ի A-politic հաղորդաշարի հյուրն է գեղանկարիչ, լուսանկարիչ և բանաստեղծ Սամվել Սևադան: Մայիսի 17-ին բացվելու է նրա հետահայաց ցուցահանդեսը: Բացատրելով, թե ինչու է այն կազմակերպվում Աբովյան քաղաքում, արվեստագետը հիշեցնում է, որ 50 տարի առաջ նա նշանակվել էր այդ քաղաքի նկարչական դպրոցի տնօրեն:
Լինելով ծագումով գյումրեցի՝ նա իրեն համարում է նաև Աբովյանի «պատրիոտ», քանի որ միշտ ակտիվորեն մասնակցել է այդ քաղաքի մշակութային կյանքին:
Ցուցահանդեսը Սամվել Սևադայի համար նաև հնարավորություն է, որ մարդիկ իրար հանդիպեն ու շփվեն: Ֆիզիկական շփումը նա շատ է կարևորում, որովհետև մարդիկ ներկայանում են հիմնականում այնպես, ինչպես կան՝ կեղծելու, սեփական էությունը քողարկելու տարբերակները համեմատաբար քիչ են:
Մինչդեռ, վիրտուալ շփման մասնակիցները շատ ավելի մեծ հնարավորություն ունեն երևալու ավելի լավը, քան կան իրականում: Դա բնական մարդկային ցանկություն է, որը, սակայն, աղքատացնում է մեր կյանքը:
Պատասխանելով հարցին՝ ո՞րն է ճշմարտությունը և ո՞րն է կեղծիքն արվեստում, հաղորդման հյուրը նշում է, որ դրանք հարաբերական հասկացություններ են: Ամբողջությամբ անկեղծ մարդիկ շատ քիչ են, և նրանք խելագար են համարվում: Սակայն այդպիսի «խելագարներ» պետք են՝ աշխարհը կառուցված է այդ համարձակ մարդկանց վրա:
Մանրամասները՝ տեսանյութում:
Արամ Աբրահամյան
