18.02.2026 | 15:37
Զախարովան՝ երկաթուղու կոնցեսիոն կառավարման իրավունքը երրորդ երկրի կողմից գնելու՝ Փաշինյանի առաջարկի մասին
Թրամփը հայտարարել է, որ Թուրքիա կգնա մայիսի 16-ին՝ ռուս-ուկրաինական բանակցություններին, եթե նպատակահարմար լինի
Քաղաքականություն
15.05.2025 | 12:38
ԱՄՆ նախագահ Դոնալդ Թրամփը հայտարարել է, որ կարող է մասնակցել ռուս-ուկրաինական բանակցություններին Ստամբուլում ուրբաթ՝ մայիսի 16-ին, եթե «դա նպատակահարմար լինի»։ BBC-ի ռուսական ծառայության հաղորդմամբ՝ նա նշել է, որ կարող է մեկնել Թուրքիա, եթե Ռուսաստանի և Ուկրաինայի միջև առաջին ուղիղ խաղաղ բանակցություններն առաջընթաց գրանցեն։
«Եթե ինչ-որ բան պատահած լիներ, ես ուրբաթ օրը կգնամ, եթե անհրաժեշտությունը լինի»,- ասել է Թրամփը Կատարում։
Պատասխանելով ՌԴ նախագահ Վլադիմիր Պուտինի՝ Թուրքիայում բանակցություններին անձամբ չմասնակցելու մասին հարցին՝ Թրամփն ասել է. «Ինչո՞ւ պետք է նա գնար, եթե ես չեմ գնում։ Ես չէի կարծում, որ Պուտինը կգնա, եթե ես այնտեղ չեմ լինելու»։
Հիշեցնենք, որ Ռուսաստանի և Ուկրաինայի միջև ուղիղ բանակցություններ են սպասվում այսօր՝ մայիսի 15-ին Թուրքիայում։ Ուկրաինայի նախագահ Վլադիմիր Զելենսկին ավելի վաղ հայտարարել էր, որ պատրաստ է հանդիպել Վլադիմիր Պուտինի հետ։ Սակայն Ռուսաստանի նախագահը չի մեկնի Թուրքիա։ Մայիսի 14-ի ուշ երեկոյան Պուտինը հրամանագիր է ստորագրել, որի համաձայն՝ ռուսական պատվիրակությունը կգլխավորի իր օգնական Վլադիմիր Մեդինսկին։
Նախօրեին էլ լրատվամիջոցները հայտնել էին, որ Դոնալդ Թրամփը մայիսի 15-ին նույնպես չի մեկնի Թուրքիա՝ մասնակցելու Ռուսաստան-Ուկրաինա բանակցություններին։ Տեղեկությունը հաստատել էր ամերիկացի պաշտոնյան այն բանից հետո, երբ Պուտինը հայտնել էր ռուսական պատվիրակության կազմի մասին։
Թարգմանությունը՝ Էմմա Չոբանյանի
