29.04.2026 | 23:40
Հայաստան–ՄԱԿ համագործակցություն․ ուշադրության կենտրոնում՝ խոցելի խմբերի պաշտպանությունը
Պուտինը Հաղթանակի օրվա առթիվ շնորհավորել է ԱՊՀ երկրների ղեկավարներին, այդ թվում՝ Հայաստանի
Քաղաքականություն
08.05.2025 | 14:35
Ռուսաստանի նախագահ Վլադիմիր Պուտինը «Հայրենական մեծ պատերազմում տարած Հաղթանակի 80-ամյակի կապակցությամբ» հեռագրերով շնորհավորել է Վրաստանի և Մոլդովայի ժողովուրդներին, շնորհավորական ուղերձներ հղել ԱՊՀ երկրների ղեկավարներին, գրում է ՏԱՍՍ-ը։
«Հայրենական մեծ պատերազմում Հաղթանակի 80-ամյակի կապակցությամբ Ռուսաստանի նախագահ Վ.Վ. Պուտինը շնորհավորական ուղերձներ է հղել Ադրբեջանի, Հայաստանի, Բելառուսի, Ղազախստանի, Ղրղզստանի, Տաջիկստանի, Թուրքմենստանի, Ուզբեկստանի, Աբխազիայի, Հարավային Օսիայի, Իսրայելի ղեկավարներին, ինչպես նաև Վրաստանի և Մոլդովայի ժողովուրդներին», – ասվում է հաղորդագրության մեջ։ Չի նշվում է, թե կոնկրետ ում է ուղերձ հղել ՌԴ նախագահը՝ ՀՀ վարչապետ Նիկոլ Փաշինյանիn, թե նախագահ Վահագն Խաչատուրյանին։
Պուտինը նշել է, որ այս երկրներում «սրբորեն մեծարվում է հայրերի և պապերի փառահեղ սխրագործությունների և մեծ զոհողությունների հիշատակը, որոնք քաջաբար ուս-ուսի պայքարել են նացիստական զավթիչների դեմ և անձնուրաց աշխատել թիկունքում»։
«Մեր սրբազան պարտականությունն է զգուշորեն պահպանել հաղթող սերնդի ժառանգությունը։ Հետևաբար՝ շատ կարևոր է անզիջում կերպով ճնշել մեր ընդհանուր պատմությունը խեղաթյուրելու, նացիստների և նրանց հանցակիցների կողմից կատարված վայրագությունները սպիտակեցնելու կամ մոռացության մատնելու ցանկացած փորձ», – նշել է ՌԴ ղեկավարը իր ուղերձում։
Թարգմանությունը՝ Էմմա Չոբանյանի
