06.11.2026 | 23:24
Նոյեմբերի 7-ին ՊԵԿ էլեկտրոնային համակարգերը երկու ժամով անհասանելի կլինեն
Բաքվում շինծու գործերով նիստում Մարտունիի և Լաչինի ազատագրման հետ կապված տեսանյութեր են ցուցադրվել
Քաղաքականություն
05.05.2025 | 21:51
Բաքվի զինվորական դատարանում այսօր շարունակվել է Արցախի ղեկավարների և այլ պաշտոնյաների շինծու գործերով հերթական դատական նիստը դատավոր Զեյնալ Աղաևի նախագահությամբ։ Ադրբեջանական լրատվամիջոցների հաղորդմամբ՝ դատավարության ընթացքում ուսումնասիրվել է, իբր, «Մարտունու շրջանի օկուպացիայի վերաբերյալ տեսանյութ»։ Հաղորդվում է, թե 1993 թվականի ապրիլին հայերի կողմից նկարահանված տեսանյութում Մարտունիում զինծառայողներ են երևում, այդ թվում՝ Մոնթե Մելքոնյանը, Մովսես Հակոբյանը, նրանց հետ՝ ՀՀ նախկին նախագահ Սերժ Սարգսյանը և Արցախի ԱԺ նախագահ Դավիթ Իշխանյանը։
Արցախի ԱԺ նախագահ Դավիթ Իշխանյանը, պատասխանելով դատախազների հարցերին, իր կարծիքն է հայտնել տեսանյութում Սերժ Սարգսյանի կողմից, իբր, «նոր տարածքներ գրավելու» մասին հայտարարությունների վերաբերյալ՝ ասելով, որ չի կարող մեկնաբանել։
Նիստում նաև ցուցադրվել են տեսանյութեր՝ կապված, իբր, «1992 թվականին Հայաստանի զինված ուժերի կողմից Լաչինի շրջանի օկուպացիայի հետ»։
Նշվում է նաև, թե, իբր, ներկայացվել են «1992 թվականի օգոստոսի 28-ին Գերանբոյի շրջանի Բալիգայա գյուղում տեղի ունեցած կոտորածի վերաբերյալ արձանագրությունները և ցուցադրվել դեպքի վայրից լուսանկարներ»։
Հաջորդ դատական նիստը նշանակվել է մայիսի 8-ին։
Թարգմանությունը՝ Էմմա Չոբանյանի
