11.12.2025 | 20:42
Հայաստանը մնում է ՀԱՊԿ-ի լիիրավ անդամ. Զախարովա
Թրամփը հայտարարել է մայիսի կեսերին Սաուդյան Արաբիայում Պուտինի հետ հանդիպման հնարավորության մասին․ Կրեմլը շեշտում է՝ նման այց ՌԴ նախագահի օրակարգում չկա
Քաղաքականություն
05.05.2025 | 16:40
ՌԴ նախագահ Վլադիմիր Պուտինի՝ մայիսի կեսերին Մերձավոր Արևելք այց նախատեսված չէ։ Այս մասին հայտարարել է Կրեմլի խոսնակ Դմիտրի Պեսկովը՝ պատասխանելով Պուտինի և Թրամփի հանդիպման մասին լրագրողների հարցին, որի հնարավորության մասին ԱՄՆ նախագահը խոսել էր ապրիլի վերջին, գրում է Meduza-ն։
«Մյուս կողմից, սակայն, մենք ձեզ բազմիցս ասել ենք, որ նման հանդիպումն ակնհայտորեն բոլորի շուրթերին է»,- հավելել է Պեսկովը։
Կրեմլը, ըստ Պուտինի մամուլի քարտուղարի, կարծում է, որ նման հանդիպումը «իհարկե անհրաժեշտ է», բայց այն պետք է «համապատասխան կերպով նախապատրաստվի»։
«Դա պահանջում է Մոսկվայի և Վաշինգտոնի միջև շփումների շարունակություն, որոնք սկսվել են և ներկայումս շարունակվում են, սակայն առայժմ այս հարցի վերաբերյալ որևէ կոնկրետ բան չկա»,- ասել է Պեսկովը։
ԱՄՆ նախագահ Դոնալդ Թրամփը ծրագրում է մայիսի 15-16-ն այցելել Սաուդյան Արաբիա, Կատար և ԱՄԷ:
Ավելի վաղ Սաուդյան Արաբիայում անցկացվել էին Ռուսաստանի և ԱՄՆ պատվիրակությունների միջև բանակցություններ, որոնք առաջինն էին ռուսական զորքերի Ուկրաինա լիարժեք ներխուժման սկսվելուց ի վեր։ Պուտինը և Թրամփը պատերազմի սկսվելուց ի վեր մի քանի անգամ հեռախոսազրույց են ունեցել, սակայն անձամբ չեն հանդիպել։
Թարգմանությունը՝ Էմմա Չոբանյանի
