23.04.2026 | 17:42
Վճռաբեկ դատարանը բեկանել է Փաշինյանի և ընտանիքի հասցեին բռնության կոչեր հնչեցնելու գործով ուսուցչի արդարացման դատական ակտը
Երգող ավտոբուս՝ Երևանում. ՏԵՍԱՆՅՈՒԹ
Հասարակություն
01.05.2025 | 19:43
Մայիսի 1-ից հունիսի 7-ը Երևանում տեղի կունենա «Երևանի Շառլ Ազնավուրի անվան մշակույթի և արվեստի պետական քոլեջը սիրո երգերով՝ Երևանում» խորագրով՝ իր ձևաչափի մեջ նախադեպը չունեցող երաժշտական նախագիծ, որի մեկնարկը տրվեց այսօր։ Նախագիծն իր տրամաբանական շարունակությունը կունենա երևանցիների և մեր մայրաքաղաք այցելած զբոսաշրջիկների համար՝ երկհարկանի ավտոբուսում։
Ինչ վերաբերում է այսօրվան, ավտոբուսը պտույտ կատարեց Երևան քաղաքում, որի ընթացքում Շառլ Ազնավուր քոլեջի «Երգեցողություն» և «Գործիքային կատարողական արվեստ» մասնագիտություններում սովորող ուսանողները, ինչպես նաև շրջանավարտները երաժշտական կատարումներով ուղեկցեցին այդ պահին ավտոբուսում ուղևոր դարձած մեր համաքաղաքացիներին։
Գրեթե մեկ ամիս՝ մինչև հունիսի 7-ը, յուրաքանչյուր օր 2 ժամ՝ 15։00-17։00 ընկած ժամանակահատվածում, ավտոբուսը պտույտ կկատարի Երևան քաղաքում, որի ընթացքում կհնչեն տարբեր կոմպոզիտորների ստեղծագործություններ ինչպես քոլեջի ուսանողների, այնպես էլ հանրության կողմից սիրված արտիստների կատարմամբ։ Նախագծի շրջանակում երկհարկանի զբոսաշրջային ավտոբուսն ուղևորների համար կլինի բացառապես անվճար։ Իսկ ուղևորները կլինեն հանրակրթական և հատուկ մասնագիտական դպրոցների աշակերտներ, մանկատների սաներ, ինչպես նաև քաղաքում շրջող քաղաքացիներ:
Մանրամասները՝ տեսանյութում։
Աննա Բաբաջանյան
