05.04.2026 | 16:15
Իսրայելը հայտնել է մեկ օրում Իրանում ավելի քան 120 օբյեկտների ուղղությամբ գրոհների մասին
Թբիլիսիի շուկաներից մեկում խոշոր հրդեհ է բռնկվել․ ՏԵՍԱՆՅՈՒԹ
Քաղաքականություն
30.04.2025 | 10:35
Թբիլիսիում մետրոյի կայարաններից մեկի մոտակայքում գտնվող շուկայում խոշոր հրդեհ է բռնկվել, հայտնում են տեղական լրատվամիջոցները։
Ականատեսների վկայությամբ՝ հրդեհը բռնկվել է առավոտյան ժամը 6-ի սահմաններում, շիինության երկրորդ հարկում գտնվող կոշիկի խանութում։ Հրդեհը տարածվել է հագուստի, մրգերի և բանջարեղենի պահեստների տարածքում։ Թբիլիսիի կենտրոնական երկաթուղային կայարանը բռնկման օջախի կողքին է։
Կրակը հաջողվել է մարել, հայտնել է գլխավոր հրշեջ-փրկարարական ծառայության ղեկավար Լևան Մուսելիանին։
«Հրշեջների ժամանակին արձագանքի շնորհիվ հնարավոր է եղել տեղայնացնել և մարել հրդեհը։ Ներկայում կրակը մարվել է, ծխացող տարածքները մշակվում են»,- ասել է նա՝ հավելելով, որ հրդեհը տարածվել է մոտ 15 հազար քառակուսի մետր տարածքում։
Տուժածների մասին տեղեկություններ չեն հաղորդվում։
Թարգմանությունը՝ Էմմա Չոբանյանի
