17.07.2026 | 12:47
Հունիսի 22-ից ի վեր ԱՄՆ-ի հարվածների հետևանքով Իրանում զոհվել է 38 մարդ, ավելի քան 400-ը՝ վիրավորվել
Ադրբեջանն ու Իրանը տարածաշրջանային խնդիրները տարածաշրջանի երկրների կողմից լուծելու կողմնակից են
Քաղաքականություն
28.04.2025 | 20:41
Ադրբեջանն ու Իրանը կողմ են տարածաշրջանային խնդիրները տարածաշրջանի երկրների կողմից լուծելուն։ Ադրբեջանական լրատվամիջոցների հաղորդմամբ՝ այս մասին ընդգծվել է Բաքվում տեղի ունեցած Ադրբեջանի նախագահ Իլհամ Ալիևի ևԻրանի նախագահ Մասուդ Փեզեշքիանի բանակցությունների ընթացքում։
Այս համատեքստում նշվել է «3+3» տարածաշրջանային համագործակցության ձևաչափի կարևորությունը։
Հաղորդվում է, որ նեղ կազմով հանդիպմանը քննարկվել են միջկառավարական հանձնաժողովի գործունեությանը, ինչպես նաև էներգետիկայի, մասնավորապես, էլեկտրաէներգիայի ոլորտում համագործակցությանը վերաբերող հարցեր։ Նշվել է Արաքս գետի վրա հիդրոէլեկտրակայանների կառուցման և Աղբենդ-Կալալա ճանապարհային կամրջի նախագծի ավարտի կարևորությունը։
Զրույցի ընթացքում մտքերի փոխանակում է տեղի ունեցել միջազգային կազմակերպությունների շրջանակներում երկու երկրների համագործակցության վերաբերյալ։
Հիշեցնենք նաև, որ բանակցություններից հետո կողմերի միջև տարբեր ոլորտներում համագործակցության մի շարք փաստաթղթեր են ստորագրվել։
Թարգմանությունը՝ Էմմա Չոբանյանի
