05.12.2025 | 22:31
Երևանում և 7 մարզում էլեկտրաէներգիայի անջատումներ կլինեն
Իրանն ու Ադրբեջանը համագործակցության մի շարք փաստաթղթեր են ստորագրել
Քաղաքականություն
28.04.2025 | 17:18
Ադրբեջանի նախագահ Իլհամ Ալիևի և Իրանի նախագահ Մասուդ Փեզեշքիանի մասնակցությամբ Բաքվում տեղի է ունեցել երկու երկրների միջև ստորագրված փաստաթղթերի փոխանակման արարողությունը, հայտնում են ադրբեջանական լրատվամիջոցները։
Ադրբեջանի ԱԳ նախարար Ջեյհուն Բայրամովը և Իրանի արտաքին գործերի նախարար Աբբաս Արաղչին փոխանակել են «Ադրբեջանի Հանրապետության արտաքին գործերի նախարարության և Իրանի Իսլամական Հանրապետության արտաքին գործերի նախարարության միջև 2025-2027 թվականների քաղաքական խորհրդակցությունների ծրագիրը»։
«Ադրբեջանի Հանրապետության թվային զարգացման և տրանսպորտի նախարարության և Իրանի ճանապարհների և քաղաքային զարգացման նախարարության միջև 2025-2026 թվականների համար տրանսպորտի ոլորտում համապարփակ համագործակցության վերաբերյալ փոխըմբռնման հուշագիրը» Ադրբեջանի թվային զարգացման և տրանսպորտի նախարար Ռաշադ Նաբիևն ու Իրանի ճանապարհների և քաղաքային զարգացման նախարար Ֆարզանե Սադեղն են փոխանակել։
«Ադրբեջանի Հանրապետության թվային զարգացման և տրանսպորտի նախարարության և Իրանի Իսլամական Հանրապետության ճանապարհների և քաղաքային զարգացման նախարարության միջև «Ծովագնացների վերապատրաստման, վկայագրման և հերթապահության ստանդարտների մասին» միջազգային կոնվենցիայի 1978 թվականի I/10 կանոնակարգին համապատասխան վկայականների փոխադարձ ճանաչման վերաբերյալ փոխըմբռնման հուշագիրը» փոխանակվել է կրկին Նաբիևի ու Սադեղի միջև։
«Ադրբեջանի Հանրապետության մշակույթի նախարարության և Իրանի Իսլամական Հանրապետության մշակույթի և իսլամական առաջնորդման նախարարության միջև 2025-2028 թվականների մշակութային փոխանակման ծրագիրը» փոխանակվել է Ադրբեջանի մշակույթի նախարար Ադիլ Քերիմլիի և Իրանի մշակութային ժառանգության, զբոսաշրջության և արհեստների նախարար Ռեզա Սալեհի Ամիրիի միջև։
Ադրբեջանի Հանրապետության լրատվամիջոցների զարգացման գործակալության և Իրանի Իսլամական Հանրապետության մշակույթի և իսլամական առաջնորդման նախարարության միջև լրատվամիջոցների ոլորտում համագործակցության վերաբերյալ փոխըմբռնման հուշագիրը փոխանակվել է Ադրբեջանի փոխվարչապետ (միջկառավարական հանձնաժողովի համանախագահ) Շահին Մուստաֆաևի և Իրանի ճանապարհների և քաղաքաշինության նախարար (միջկառավարական հանձնաժողովի համանախագահ) Ֆարզանե Սադեղի միջև։
Հիշեցնենք, որ Իրանի նախագահ Մասուդ Փեզեշքիանն այցով Ադրբեջանում է։ Այսօր ավելի վաղ նա բանակցություններ էր անցկացրել Ադրբեջանի նախագահ Իլհամ Ալիևի հետ։
Թարգմանությունը՝ Էմմա Չոբանյանի
