17.12.2025 | 16:42
Մարտունու մի գազալցակայանում հայտնաբերվել են թույլատրելի նորմը 8 և 10 անգամ գերազանցող շեղումներ
Անփութություն, թե՞ միտում․ Կենտրոնում նոր տեղադրված բետոնե սյուները կոտրվել են
28.04.2025 | 17:45
Կենտրոն վարչական շրջանի ղեկավարի աշխատակազմը փորձում է պայքարել չթույլատրված հատվածներում կայանումների դեմ՝ փողոցների տարբեր հատվածներում բետոնե սյուներ տեղադրելով։ Սակայն Factor TV-ի տեսախցիկն այսօր արձանագրել է, որ Արամի և Փարպեցի փողոցների խաչմերուկի մոտ բոլորովին վերջերս տեղադրված սյունը կոտրված է․ նույն հատվածում եզրաքարերը նույնպես անմխիթար վիճակում են։
Նման դեպքեր նախկինում էլ ենք գրանցել. մի քանի օր առաջ արձանագրել էինք, որ Պուշկինի փողոցում գործող հանրային սննդի օբյեկտի դիմաց տեղադրված սյունն էր կոտրվել։
Այսօրինակ դեպքերը հարց են առաջացնում․ արդյոք սյուների վնասումը տեղի է ունեցել անփութությա՞ն հետևանքով, թե՞՝ միտումնավոր։ Ի՞նչ քայլեր է ձեռնարկում քաղաքապետարանը կամ Կենտրոն վարչական շրջանի ղեկավարի աշխատակազմը նման դեպքերի կրկնությունը կանխելու համար, արդյո՞ք հայտնաբերվում և պատժվում են կարգազանց քաղաքացիները․ այս հարցերի պատասխանները ստանալ չհաջողվեց։
Factor TV-ն Երևանի քաղաքապետարանի լրատվության վարչությունից միայն փոխանցեցին, որ Կենտրոն վարչական շրջանի ղեկավարի աշխատակազմը վերացնում է նման խնդիրները, իսկ ընթացիկ տարում նախատեսված է մայթերի ամբողջական նորոգում։
Արփի Հակոբյան
