19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
«Հայաստան» համահայկական հիմնադրամի նկատմամբ անվստահության մթնոլորտը շուտով կվերանա. Հայկակ Արշամյան
05.10.2018 | 17:49
Արցախի Հանրապետության պետական նախարար Գրիգորի Մարտիրոսյանը հոկտեմբերի 5-ին ընդունել է «Հայաստան» համահայկական հիմնադրամի գործադիր տնօրեն Հայկակ Արշամյանին:
Ողջունելով հյուրին՝ պետական նախարարը շնորհավորել է նրան Հիմնադրամի գործադիր տնօրենի պաշտոնում ընտրվելու կապակցությամբ և հույս հայտնել, որ կառույցի անվան շուրջ ստեղծված ժամանակավոր դժվարությունները արագ կհաղթարավեն, ու կվերականգնվի բնականոն աշխատանքը: Այդ հարցում Գ. Մարտիրոսյանը հայտնել է Արցախի իշխանությունների և ժողովրդի լիակատար աջակցությունը՝ նշելով, որ «Հայաստան» հիմնադրամի ներկայությունը Արցախում ամենուր է, և անգնահատելի է նրա դերը հանրապետության սոցիալ-տնտեսական խնդիրների լուծման գործում:
Շնորհակալություն հայտնելով ջերմ ընդունելության և բարձր աջակցության համար՝ Հ. Արշամյանը համոզմունք է հայտնել, որ բաց և թափանցիկ աշխատանքի շնորհիվ «Հայաստան» համահայկական հիմնադրամի նկատմամբ անվստահության մթնոլորտը շուտով կվերանա՝ նոր ընթացք հաղորդելով իրականացվող ծրագրերին: Նրա խոսքով՝ Արցախում նոր աշխատատեղերի ապահովման և տնտեսության մեջ արդյունքի ավելացման նպատակով քննարկվում է նաև արտադրական ենթակառուցվածքների ստեղծումը: Պետնախարարը ողջունել է գաղափարը և հայտնել կառավարության պատրաստակամությունը այն ծրագրային տեսքի վերածելու համար:
Հանդիպման ընթացքում զրուցակիցները քննարկել են նաև ընթացիկ ծրագրերի արդյունավետության բարձրացման, դրանց ընդլայնման և փոխհամագործակցության խորացման հետ կապված այլ հարցեր:
