30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Թրամփի հատուկ բանագնացը Մոսկվա է ժամանել
Քաղաքականություն
25.04.2025 | 12:38
ԱՄՆ նախագահի հատուկ ներկայացուցիչ Սթիվ Ուիթկոֆը ուրբաթ առավոտյան ժամանել է Մոսկվա։ Այս մասին «Ինտերֆաքս»-ին հայտնել է տեղեկացված աղբյուրը։
Ավելի վաղ հաղորդվել էր, որ Մայամիից թռչող ինքնաթիռը, որում, ենթադրաբար, եղել է Ուիթկոֆը, վայրէջք է կատարել Մոսկվայի «Վնուկովո» օդանավակայանում։
Axios-ն էլ, հղում անելով ամերիկյան իրազեկ աղբյուրին, հայտնել է, որ ԱՄՆ նախագահի հատուկ ներկայացուցիչն այսօր կարող է հանդիպել Ռուսաստանի նախագահ Վլադիմիր Պուտինի հետ։
Կրեմլն էլ խոստացել է տեղեկացնել, եթե Ուիթկոֆի այցը Ռուսաստան և նրա հանդիպումը Պուտինի հետ տեղի ունենան։
«Մենք ձեզ կտեղեկացնենք, եթե/երբ տեղի ունենան նախագահի և պարոն Ուիթկոֆի միջև նոր շփումներ»,- լրագրողներին ասել էր ՌԴ նախագահի մամուլի քարտուղար Դմիտրի Պեսկովը։
Սա Ուիթկոֆի չորրորդ այցն է Ռուսաստան 2025 թվականի փետրվարից ի վեր։ Ուիթկոֆի ու Պուտինի վերջին հանդիպումը տեղի էր ունեցել ապրիլի 11-ին Սանկտ Պետերբուրգում։ Թրամփի հատուկ բանագնացն ակտիվորեն մասնակցում է ռուս-ուկրաինական պատերազմը դադարեցնելու բանակցություններին։
Թարգմանությունը՝ Էմմա Չոբանյանի
