Ստամբուլում նոր երկրաշարժ է տեղի ունեցել․ մարդիկ փողոցում են գիշերել․ ԼՈՒՍԱՆԿԱՐՆԵՐ

Լուրեր

19.11.2026 | 16:24
Գրեթե բոլոր ռուսական բանկերը սանկցիաների տակ են, մեզ համար դա խնդիրներ է ստեղծում․ Մարտին Գալստյան․ ՏԵՍԱՆՅՈՒԹ
19.11.2026 | 16:13
Կրեմլը հայտնել է, որ Ուկրաինայի թեման ԱՄՆ-ի և Չինաստանի հետ եռակողմ հանդիպման առանցքային հարցը չի եղել
19.11.2026 | 16:05
Խվիչա Կվարացխելիան տարվա մարդ է ճանաչվել GQ France ամսագրի վարկածով
19.11.2026 | 15:55
Հայաստանի տնտեսությունը տուժել է, որպեսզի ընդդիմությունն ավելի շատ քվե ստանա՞․ Ռուբինյան․ ՏԵՍԱՆՅՈՒԹ
19.11.2026 | 15:51
Պուտինը, Թրամփն ու Սի Ցզինպինը համատեղ հռչակագիր են ընդունել․ ինչ կետեր են ներառված
19.11.2026 | 15:47
ՖԻՖԱ-ի նախագահի պաշտոնում առաջադրվել է երեք թեկնածու
19.11.2026 | 15:38
Թբիլիսիի բնակելի շենքերից մեկում պայթյուն է տեղի ունեցել․ փլատակների տակ 7 մարդ կա, այդ թվում՝ երեխաներ
19.11.2026 | 15:30
Վազգեն Սարգսյանի անվան ռազմական ակադեմիայի կուրսանտները մասնակցել են Չինաստանում անցկացված միջազգային ծրագրին
19.11.2026 | 15:21
Բաքուն արդարացրել է հայ գերիների շինծու դատավճիռները և Ֆրանսիային կոչ արել «զերծ մնալ Ադրբեջանի ներքին գործերին միջամտելուց»
19.11.2026 | 15:10
Փաշինյանը՝ իր հրաժարականի պայմանի մասին // Հայաստանը հրավիրվել է G20-ի գագաթնաժողովին․ ԼՈՒՐԵՐ
19.11.2026 | 15:04
Աթենքի Ակրոպոլիսի թանգարանում կբացվի «Հին Հայաստան» ցուցահանդեսը․ կներկայացվի ավելի քան 200 ցուցանմուշ
19.11.2026 | 14:55
Սի Ցզինպինը միջուկային զենքից զերծ աշխարհի կոչ է արել
19.11.2026 | 14:47
Թրամփը հայտարարել է, որ երեք առաջնորդները կանդրադառնան «աշխարհում քննարկվող բոլոր խնդիրներին», նաև Ուկրաինայի պատերազմին
19.11.2026 | 14:45
Ամերիկյան AECOM-ը ներկայացրել է ԹՐԻՓՓ-ի երկաթուղու ինժեներական ուսումնասիրության նախնական արդյունքները․ ՀՀ-ՌԴ բանակցությունները շարունակվում են
19.11.2026 | 14:38
Աշխարհի ու Եվրոպայի չեմպիոն Խուան Մատան ավարտել է կարիերան
Բոլորը

Թուրքիայի Աղետների և արտակարգ իրավիճակների կառավարման վարչությունը (AFAD) հայտարարել է, որ Ստամբուլում տեղի ժամանակով  07:19-ին 4.1 մագնիտուդով երկրաշարժ է տեղի ունեցել։ Էպիկենտրոնը գտնվել է Մարմարա ծովում՝ Ստամբուլի Բյույուքչեքմեջե շրջանում։

Քանդիլլիի աստղադիտարանի հայտարարության համաձայն՝ ժամը 07:19-ին տեղի ունեցած երկրաշարժի ուժգնությունը կազմել է 4,6 մագնիտուդ, իսկ խորությունը՝ 16,9 կմ։

Հավելենք, որ Մարմարայի երկրաշարժը, որի մասին գիտնականները վաղուց են զգուշացնում, երեկ հիշեցրել է իր մասին։ Սիլիվրիի ափամերձ շրջանում առաջին անգամ տեղի ունեցած 3,9 մագնիտուդով երկրաշարժից հետո, ժամը 12:49-ին Ստամբուլում տեղի էր ունեցել ևս մեկ՝ 6,2 մագնիտուդով երկրաշարժ, որը մեծ խուճապ էր առաջացրել քաղաքում։ Երկրաշարժից հետո հետցնցումները շարունակվում են։

Թուրքիայի առողջապահության նախարար Քեմալ Մեմիշօղլուի ներկայացրած վերջին տվյալների համաձայն՝ երկրաշարժի հետևանքով տուժել է 236 մարդ։ Նա նշել է, որ «Ստամբուլում տեղի ունեցած և շրջակա նահանգներում զգացված երկրաշարժի հետևանքով առաջնային վնասվածքներ չեն եղել։ Երկրորդային վնասվածքներ են առաջացել ընկնելու, ցատկելու կամ խուճապի պատճառով։

«Մեր նախնական գնահատականների համաձայն՝ երկրորդական իրադարձությունների արդյունքում մեր քաղաքացիներից, ընդհանուր առմամբ, տուժել է 236 մարդ, Ստամբուլում՝ 173, Թեքիրդաղում՝ 24, Սաքարիայում՝ 24, Բուրսայում՝ 13, Յալովայում՝ 2։ 221 վիրավորներ դուրս են գրվել, հիվանդանոցներում շարունակվում է 15 վիրավորի բուժումը, նրանց վիճակը լավ է»,- ասել է Մեմիշօղլուն։

Թուրքական լրատվամիջոցների հաղորդմամբ՝ Ստամբուլում նախօրեին տեղի ունեցած ուժեղ երկրաշարժից հետո մարդիկ, որոնք խուճապահար դուրս են եկել տներից, գիշերն անցկացրել են դրսում՝ դպրոցների բակերում, այգիներում, մարզասրահներում և մզկիթներում։

Կարմիր մահիկը և AFAD-ը մոբիլիզացրել են ռեսուրսները՝ քաղաքացիների հիմնական կարիքները բավարարելու համար։

15 միլիոն բնակչություն ունեցող Ստամբուլի ափամերձ գոտում ցանկացած պահի, ըստ մասնագետների, սպասվում է 7,0 մագնիտուդով կամ ավելի ուժեղ երկրաշարժ։ Նույն՝ Հյուսիսային Անատոլիայի բեկվածքային գծի երկայնքով վերջին խոշոր երկրաշարժը տեղի է ունեցել Քոջաելիում 1999 թվականին՝ խլելով ավելի քան 18,000 մարդու կյանք։ Ստամբուլի  քաղաքապետարանի շրջանային մակարդակի կանխատեսումների համաձայն՝ 7,5 մագնիտուդով հնարավոր երկրաշարժը կարող է քաղաքում խլել առնվազն 14,000 մարդու կյանք։ Սակայն որոշ մասնագետներ զգուշացնում են, որ իրական թիվը կարող է շատ ավելի մեծ լինել, հնարավոր է՝ հասնի տասնյակ հազարների։

Հիշեցնենք, որ 2023 թվականի փետրվարին Թուրքիայի հարավարևելյան մասում տեղի ունեցած երկրաշարժերը խլել էին ավելի քան 50,000 կյանք 10 նահանգներում և միլիոնավոր մարդկանց տեղահանել՝ դառնալով երկրի պատմության մեջ ամենամահաբեր երկրաշարժը։ Դոքուզ Էյլյուլի համալսարանի (DEU) երկրաշարժերի հետազոտությունների և կիրառման կենտրոնի տնօրեն, պրոֆեսոր, դոկտոր Հասան Սյոզբիլիրը նշել էր, որ երկրաշարժը տեղի է ունեցել Հյուսիսային Անատոլիայի բեկվածքի երկայնքով՝ Ստամբուլի սպասվող երկրաշարժի հետ կապված բեկվածքի գծի արևմտյան հատվածի մոտ։

Թարգմանությունը՝ Էմմա Չոբանյանի