21.12.2025 | 11:11
«Ինտերը», «Յուվենտուսը» և «Նապոլին» հետևում են Սպերցյանի խաղին․ գործակալ
Բիզնեսի համար՝ լիզինգային նոր հնարավորություններ․ «Մերիդիան» ցուցահանդեսային կենտրոնում մեկնարկել է Leasing EXPO 2025-ը․ ՏԵՍԱՆՅՈՒԹ
Տնտեսություն
18.04.2025 | 21:34
Մերիդիան ցուցահանդեսային կենտրոնում մեկնարկել է տեխնիկայի և սարքավորումների ոլորտի միակ ու խոշորագույն ցուցահանդեսը Հայաստանում՝ Leasing EXPO 2025-ը։ Ցուցահանդեսը, որն անցկացվում է արդեն երրորդ անգամ, դարձել է կայուն հարթակ բիզնեսի զարգացման համար։ Կազմակերպիչը «Big Projects» ընկերությունն է, համակազմակերպիչը՝ Հայաստանի լիզինգատուների ասոցիացիան։
Ցուցահանդեսի հիմնական նպատակն է լիզինգը՝ որպես ֆինանսական գործիք, բիզնեսի համար դարձնել առավել հասանելի ու կիրառելի։ Leasing EXPO-ին ներգրավված են ոչ միայն բանկեր, այլև առաջատար մատակարար ընկերություններ՝ տարբեր ոլորտներից։
Ցուցահանդեսին ներկայացված են շինարարական տեխնիկա, գյուղատնտեսական սարքավորումներ, արևային վահանակներ, տրանսպորտային միջոցներ, բեռնատարներ և էլեկտրոմոբիլներ, արտադրական սարքավորումներ, սառնարանային և ջերմոցային տնտեսություններ։ Ընդհանուր առմամբ, մասնակցում է ավելի քան 50 ընկերություն։ Հայաստանում լիզինգային ոլորտում մասնագիտացված ու ամենամեծ նման պորտֆել ունեցող «ԱԿԲԱ լիզինգ»-ը ցուցահանդեսի հիմնական գործընկերն է։
Էլեկտրոմոբիլների վաճառքով զբաղվող «ABC Motors» ընկերությունը էքսպոյին մասնակցում է երկրորդ անգամ՝ տպավորված լինելով նախորդ տարվա արդյունքներից։ Ընկերությունն այս անգամ ևս ներկայացնում է շահավետ լիզինգային առաջարկներ։
«Steelstandard» ընկերությունը, որը զբաղվում է պարենային ապրանքների մշակմամբ, դրանց արտադրության համար անհրաժեշտ գործարանների նախագծմամբ և արտադրական տեխնոլոգիաների մշակմամբ, էքսպոյին ներկայանում է հատուկ առաջարկով՝ բոլոր գործարքների համար տրամադրելով 5 տոկոս զեղչ։
Արդյունաբերական, կոմերցիոն և կենցաղային սառնարանների նախագծմամբ ու մոնտաժմամբ, պահեստամասերի վաճառքով զբաղվող «Ref Centre» ընկերությունը Leasing EXPO-ին մասնակցում է առաջին անգամ։
«EUROTRUCK» ընկերությունն էքսպոյին ներկայացնում է MAN ապրանքանիշը՝ լինելով դրա միակ պաշտոնական ներկայացուցիչը Հայաստանում։
Էքսպոյի շրջանակում անցկացվում են նաև B2B հանդիպումներ և սեմինարներ։ Գլխավոր հովանավորներն են «EcoVille»-ը և «Premium Machinery Armenia»-ն։ Հովանավորների թվում են նաև «Armenian Leasing Company» և «Unimine» ընկերությունները։
Մանրամասները՝ տեսանյութում։
Արփի Հակոբյան
