01.10.2026 | 23:39
Արթուր Մարտիրոսյանը՝ ԱԺ աշխատակազմի ղեկավարի առաջին տեղակալ
«Ի՞նչն է խանգարել, որ Դատախազությունը մտներ համայնքապետարան, խի՞ չի արվել»․ Դանիելյան․ ՏԵՍԱՆՅՈՒԹ
Քաղաքականություն
18.04.2025 | 13:33
«Մի քանի ամիս առաջ օրենք ընդունեցինք, որ Դատախազությունը կարող է ՏԻՄ-երում ստուգումներ անել, հիմա մի նոր գործիքակազմ եք մտցնում, ՊՎԾ-ին մահակ եք սարքում համայնքների ընդդիմադիր հայացքներ ունեցող ղեկավարների գլխին»,- ԱԺ-ում նման տեսակետ հայտնեց «Հայաստան» խմբակցության պատգամավոր Գառնիկ Դանիելյանը՝ անդրադառնալով ՊՎԾ-ի լիազորությունների ընդլայնմանը վերաբերող օրինագծին։
«Մինչև հիմա եղած բոլոր լծակներով կարող էիք վերահսկել ՏԻՄ-երին, ի՞նչն է խանգարել։ Այն ժամանակ, երբ համայնքների ըմբոստ ղեկավարները չհամաձայնվեն իշխանությունների հետ, անմիջապես հրամանը կլինի, եթե հրամանը կա՝ գործ կճարվի, էլի»,- ասաց Դանիելյանը։
Նշենք, որ Ազգային Ժողովում առաջին ընթերեցմամբ քննարկվում է «Պետական վերահսկողական ծառայության մասին» և կից օրենքներում փոփոխություններ նախատեսող օրենսդրական փաթեթն առաջին ընթերցմամբ։ Նոր փոփոխությամբ ՊՎԾ կազմում ձևավորվում է մասնագիտացված ստորաբաժանում՝ Ֆինանսաբյուջետային հսկողության վարչություն։ Նոր կարգավորմամբ ՏԻՄ մարմիններում վերահսկողություն իրականացվելու է նաև պետական բյուջեից համայնքներին տրված ֆինանսական միջոցների կառավարման օրինականության նկատմամբ։ Իսկ գործող օրենքով ծառայությունը ՏԻՄ-երում իրականացնում է ուսումնասիրություններ՝ պետական միջոցների տրամադրման համար հիմք հանդիսացող տեղեկատվության արժանահավատության գնահատման նպատակով։
Մանրամասները՝ տեսանյութում։
