17.12.2025 | 21:22
Արագածոտնի թեմը վաղվա պատարագը տեղափոխում է Մայր Աթոռ. այն կկայանա նույն ժամին, ինչ 10 եպիսկոպոսների հայտարարած հավաքն է
Բայրամովը մանրամասներ է հայտնել Անթալիայում Արարատ Միրզոյանի հետ հանդիպումից
Քաղաքականություն
17.04.2025 | 15:16
Ադրբեջանը միշտ աջակցում է երկխոսությանը և հարցերի քննարկմանը, հայտարարել է Ադրբեջանի ԱԳ նախարար Ջեյհուն Բայրամովը Բաքվում Սլովենիայի արտաքին գործերի նախարար Տանյա Ֆայոնի հետ համատեղ մամուլի ասուլիսում։
Նա նշել է, որ վերջին տարիներին Հայաստանի հետ ինտենսիվ շփումներ են եղել, և դրանք շարունակվում են։
«Անթալիայի դիվանագիտական ֆորումի շրջանակում տեղի է ունեցել հանդիպում հայ գործընկերոջ հետ։ Ես այդ հանդիպումը համարում եմ բավականին օգտակար։ Նույնիսկ եթե հանդիպումը հնարավորություն չի տալիս լուծելու հարցեր, այնուամենայնիվ, հնարավորություն է ավելի մանրամասն քննարկել կողմերի դիրքորոշումները, նրանց փաստարկներն ու հիմնավորումները։ Այսպիսով, իմ գնահատականն այն է, որ հանդիպումն օգտակար էր»,- ասել է Բայրամովը։
Ըստ նրա՝ ադրբեջանական կողմը կրկին Հայաստանին է հասցրել չլուծված հարցերը, որոնց վերացումն անհրաժեշտ է՝ վերջնական համաձայնության հասնելու համար։
«2022 թվականից ի վեր մենք հետևողականորեն մեր պահանջները փոխանցում ենք Հայաստանին, այդ թվում՝ Սահմանադրության մեջ փոփոխություններ կատարելու անհրաժեշտությունը։ Մենք նաև հայկական կողմի ուշադրությունը հրավիրել ենք ԵԱՀԿ Մինսկի խումբը պահպանելու փորձերի անհեռանկարայնության վրա»,- ասել է Բայրամովը։
Հիշեցնենք, որ ՀՀ ԱԳ նախարար Արարատ Միրզոյանի և Ադրբեջանի ԱԳ նախարար Ջեյհուն Բայրամովի հանդիպումը տեղի է ունեցել ապրիլի 12-ին Անթալիայի դիվանագիտական ֆորումի շրջանակում։
Թարգմանությունը՝ Էմմա Չոբանյանի
