13.01.2026 | 12:34
Ադրբեջանի և Հայաստանի միջև խաղաղության համաձայնագրի նախաստորագրումը պատմական իրադարձություն է. Իտալիայի ԱԳՆ
Անթալիայում մեկնարկել է Միրզոյան-Բայրամով հանդիպումը
Քաղաքականություն
12.04.2025 | 13:02
Ադրբեջանի և Հայաստանի արտգործնախարարներ Ջեյհուն Բայրամովը և Արարատ Միրզոյանը հանդիպում են անցկացնում Անթալիայում ընթացող դիվանագիտական ֆորումի շրջանակում։ Այս մասին Factor.am-ին հայտնեց ԱԳՆ մամուլի խոսնակ Անի Բադալյանը:
«Կողմերը քննարկել են Հայաստանի և Ադրբեջանի միջև խաղաղության և միջպետական հարաբերությունների հաստատման մասին համաձայնագրի տեքստի ավարտից հետո կարգավորման գործընթացում առկա իրավիճակը:
Նախարարները պատրաստակամություն են հայտնել շարունակել երկխոսությունը»,- ասված է ՀՀ ԱԳՆ-ի X-ի էջում։
Հիշեցնենք, որ նախորդ տարի հոկտեմբերի 18-ին Ստամբուլում «3+3» տարածաշրջանային խորհրդակցական հարթակի շրջանակներում տեղի էր ունեցել ՀՀ ԱԳ նախարար Արարատ Միրզոյանի և Ադրբեջանի ԱԳ նախարար Ջեյհուն Բայրամովի հանդիպումը:
Երեկ Factor.am-ը տեղեկացրել էր, որ այսօր սպասվում է նաև Միրզոյան-Ֆիդան հանդիպումը։
