06.10.2026 | 12:01
Հաքերները Դանիայում հասանելիություն են ստացել 8,8 միլիոն մարդու տվյալներին
Միրզոյան-Ֆիդան հանդիպումը կկայանա ապրիլի 12-ին
Քաղաքականություն
11.04.2025 | 16:22
Վաղը Անթալիայի դիվանագիտական ֆորումի շրջանակում սպասվում է ՀՀ ԱԳ նախարար Արարատ Միրզոյանի և Թուրքիայի ԱԳ նախարար Հաքան Ֆիդանի հանդիպումը, այս մասին Factor.am-ին տեղեկացրեց ԱԳՆ մամուլի խոսնակ Անի Բադալյանը՝ չմանրամասնելով, թե ինչ օրակարգով է նախատեսված հանդիպումը։
Նշենք, որ Անթալիայում մեկնարկել է դիվանագիտական 4-րդ ֆորումը։ ԱԳՆ-ից հայտնել են, որ Արարատ Միրզոյանն աշխատանքային այցով մեկնել է Անթալիա՝ մասնակցելու ապրիլի 11-12-ին տեղի ունեցող դիվանագիտական ֆորումին։ Արտգործնախարարության տարածած հայտարարությունում նաև նշվում է, որ աշխատանքային այցի շրջանակներում ծրագրված են նաև երկկողմ հանդիպումներ, սակայն, այդպես էլ չեն հստակեցրել, թե որ պաշտոնյաների հետ են նախատեսված հանդիպումներ։
Հիշեցնենք, որ Արարատ Միրզոյանի և Հաքան Ֆիդանի վերջին հանդիպումը տեղի էր ունեցել նախորդ տարի հոկտեմբերի 18-ին Ստամբուլում կայացած «3+3» խորհրդակցական հարթակի հանդիպման շրջանակներում։
Ավելի վաղ տեղեկացրել էինք, որ Թուրքիայի հատուկ ներկայացուցիչ Սերդար Քըլըչը հայտնել էր՝ Անթալիայի դիվանագիտական ֆորումի շրջանակում սպասվում է Թուրքիայի և Հայաստանի արտաքին գործերի նախարարների հանդիպում։
Մանյա Պողոսյան
