06.10.2026 | 12:37
TRIPP-ի զարգացմանը զուգահեռ սպասվում է Հայաստան–Թուրքիա սահմանի բացում․ Փաշինյան
Սերդար Քըլըչը հայտնել է Միրզոյան-Ֆիդան սպասվող հանդիպման մասին
Քաղաքականություն
11.04.2025 | 16:02
Հայաստանն ու Թուրքիան քննարկում են Անիի կամրջի վերականգնման հարցը։ Այս մասին ադրբեջանական լրատվամիջոցներին ասել է Հայաստանի հետ հարաբերությունների կարգավորման հարցերով Թուրքիայի հատուկ ներկայացուցիչ Սերդար Քըլըչը։ Նա նաև հայտնել է, որ Անթալիայի դիվանագիտական ֆորումի շրջանակում սպասվում է Թուրքիայի և Հայաստանի արտաքին գործերի նախարարների հանդիպում։
«Վերջերս շփումներ ունեցանք Ռուբեն Ռուբինյանի հետ, սակայն հաջորդ հանդիպման ճշգրիտ ամսաթիվը դեռևս համաձայնեցված չէ»,- հավելել է Քըլըչը։
Նա նաև մեկնաբանել է այն հարցը՝ արդյո՞ք Թուրքիան պահանջ է ներկայացրել Հայաստանին Սահմանադրությունը փոխելու վերաբերյալ։
«Նիկոլ Փաշինյանը ևս հայտարարություն է արել Սահմանադրության փոփոխությունների վերաբերյալ։ Այս համատեքստում Հայաստանը կկատարի անհրաժեշտ փոփոխություններն իր Սահմանադրությունում»,- հայտարարել է թուրք դիվանագետը։
Թարգմանությունը՝ Էմմա Չոբանյանի
