16.11.2024 | 16:41
Հայաստանի ազգային հավաքականը մեկնել է Lատվիա
Խնդրում եմ Պ. Մանուկյանին և Ա. Բիլյանին չգնալ հացադուլի ծայրահեղ քայլին և հորդորում եմ Դատախազությանն ու դատարանին՝ ավելի լայն համատեքստի մեջ նայել այս երևույթին. Վարուժան Ավետիսյան
Հասարակություն
04.10.2018 | 15:37
Վարուժան Ավետիսյանի հայտարարություն է տարածել Սասնա Ծռերի գործով դատական նիստում Սմբատ Բարսեղյանին, Արմեն Բիլյանին և Պավել Մանուկյանին դեռևս կալանքի տակ պահելու անթույլատրելիության մասին: Հայտարարության մեջ մասնավորապես ասվում է.
«Արդեն ակնհայտ է, որ հատկապես խափանման միջոցը փոխելու հարցով պահանջը խիստ հասունացած է, միանգամայն արդարացի է և դա ոչ միայն կոնկրետ Պավել Մանուկյանի կամ Արմեն Բիլյանի պահանջն է, այլ ամբողջ ժողովրդի պահանջն է: Իրավիճակ է փոխվել Հայաստանում, շարունակում է փոխվել ու այդ փոփոխությունը պետք է արձանագրվի: Եթե այդ փոփոխությանը համապատասխան որոշումներ չկայացվեն, ապա մենք կունենանք անցանկալի իրավիճակներ ամեն առումներով, թե’ հոգեբանական, թե’ ներքին լարումներ, թե’ ընդհանրապես ժողովրդի հույսի և հավատի անկում, և այլ կարևոր որակական գործոնների կորուստներ, որոնք էապես կվնասեն մեր ազգային անվտանգությանը և մեր առաջընթացին: Այդ պատճառով ես հորդորում և խնդրում եմ նախ Պ. Մանուկյանին և Ա. Բիլյանին չգնալ ծայրահեղ քայլի և իմանալ, որ դա ամբողջ ժողովրդի պահանջն է, և հորդորում եմ նաև Ձեզ`դատավարության մյուս մասնակիցներին (դատախազություն և դատարան), որ ավելի լայն համատեքստի մեջ նայեն այս երևույթին, քան թե ուղղակի որպես քրեադատավարական գործընթացի մի բաղադրիչի»:
