10.12.2025 | 21:28
Կրոնական ազատությունը Հայաստանում ժողովրդավարության կարևոր բաղադրիչներից է։
Ինչ ցուցմունք է տվել Ջալալ Հարությունյանն իր մեղադրանքի վերաբերյալ․ ՏԵՍԱՆՅՈՒԹ
Հասարակություն
15.04.2025 | 12:49
Պաշտպանության բանակի նախկին հրամանատար Ջալալ Հարությունյանի պաշտպանները բողոքարկել են նրա վերաբերյալ դատավճիռը։ Այս մասին լրագրողների հետ զրույցում ասաց Հարությունյանի պաշտպան Արսեն Սարդարյանը։ Հարությունյանը 2 ամիս առաջ մեղավոր է ճանաչվել 44-օրյա պատերազմի ժամանակ ծառայության նկատմամբ անփույթ վերաբերմունք դրսևորելու համար և դատապարտվել 5 տարի, 6 ամիս ժամկետով ազատազրկման։ Ըստ նրա վերաբերյալ քրեական գործի՝ Դ20 դիվիզիոնի վրա հակառակորդի հարձակման ժամանակ դիվիզիոնի հրամանատարությունը կապ է հասատել Ջալալ Հարությունյանի տեղակալ, հրետանու գծով պետ Գենադի Բաղդասարյանի հետ, հայտնել հակառակորդի հարձակման մասին, սակայն Ջալալ Հարությունյանն ասել է, թե մոտեցողները յուրայիններ են, ինչի հետևանքով Ցորի զորամասի 20 զինծառայող հայտնվել է հակառակորդի հսկողության ներքո և սպանվել։
Հարությունյանի պաշտպան Արսեն Սարդարյանն ասաց, որ Ջալալ Հարությունյանը պնդում չի կատարել և չէր էլ կարող կատարել, որ մոտեցողները յուրայիններ են, քանի որ այդ մասին հստակ ինֆորմացիա չի ունեցել։
Ջալալ Հարությունյանն, ըստ պաշտպանի, ցուցմունք է տվել այն մասին, որ ինքը Գենադի Բաղդասարյանին ասել է՝ կարող է, հնարավոր է՝ մերոնք լինեն։ Սադարյանի խոսքով՝ գուցե Գենադի Բաղդասարյանն է այլ կերպ վերարտադրել Ջալալ Հարությունյանի ցուցմունքը։
Մանրամասները՝ տեսանյութում։
Արաքս Մամուլյան
