12.05.2025 | 21:58
Համագյուղացիներին սպանելու նպատակով փորձել էր հրկիզել նրանց վագոն-տնակը
Բա թալանի վերադարձը պոզով-պոչո՞վ է լինում, միայն ԶՊՄԿ-ով 1 մլրդ դոլար ենք վերադարձրել․ Փաշինյան․ ՏԵՍԱՆՅՈՒԹ
Քաղաքականություն
15.04.2025 | 12:45
Այս պահին ավելի քան 600 միլիարդ դրամի կամ 1․5 միլիարդ դոլարի ապօրինի ձեռք բերված գույքերի մասով գործեր են քննվում դատարաններում․ այս մասին ԱԺ-ում Հայաստանի Հանրապետության Կառավարության ծրագրի 2024 թվականի կատարման ընթացքի և արդյունքների մասին զեկույցի ներկայացման ժամանակ ասաց ՀՀ վարչապետ Նիկոլ Փաշինյանը։
Կառավարության ղեկավարը թվարկեց, որ արդեն իսկ վերադարձված գույքերի թվում են «Գոլդեն փելիս Ծաղկաձոր» հյուրանոցը, ԱՕԿՍ-ի շենքը Երևանի կենտրոնում, Նորատուսի «Միջազգային ռադիոցանցը», մի քանի միլիարդ դրամ արժողությամբ հողամասեր Երևանում և մարզերում։
«Այս թեմային, սակայն, պետք է նայել նաև այլ դիտանկյունից։ Զանգեզուրի Պղնձամոլիբդենային կոմբինատում Հայաստանի Հանրապետությունը 21․8 տոկոս փայաբաժին ունի՝ իմ տված խոստմանը համաձայն։ Այս փայաբաժինն ինքնին մի քանի հարյուր միլիոն դոլարի շուկայական արժեք ունի։ Բայց սա ամբողջական պատմությունը չէ․ 2018-ից 2024 թվականների ընթացքում ԶՊՄԿ-ն ավելի քան կրկնապատկել է իր հարկերը նախորդ յոթնամյա շրջանի, այսինքն՝ 2011-2017 թվականների հետ համեմատած։ Բա թալանի վերադարձը պոզով-պոչո՞վ է լինում։
Բայց սա դեռ ավելին չէ․ 2024 թվականին ԶՊՄԿ–ն 33 միլիարդ 249 միլիոն դրամի շահաբաժին է վճարել պետական բյուջե։ Այսինքն, միայն ԶՊՄԿ-ի շուրջ մեր համբերատար, հետևողական գործողությունների արդյունքում, որն ընդ որում՝ միանգամից տեղի չունեցավ, այլ տևեց 3 տարի, միայն ԶՊՄԿ-ի մասով մենք 1 միլիարդ դոլար գումար և գույք ենք վերադարձրել Հայաստանի Հանրապետությանը»,- նշեց Փաշինյանը։
Մանրամասները՝ տեսանյութում։
