22.04.2026 | 23:30
ՀՀ տարածքում ավտոճանապարհները հիմնականում անցանելի են
Բայրամովը հայտարարել է, թե խաղաղության պայմանագրի ստորագրումն անհնար է, քանի դեռ «ՀՀ Սահմանադրությունում տարածքային պահանջները շարունակվում են»
Քաղաքականություն
14.04.2025 | 10:38
Անհրաժեշտ է փոխել Հայաստանի Սահմանադրությունը, թուրքական «Անադոլու»-ի հետ զրույցում հայտարարել է Ադրբեջանի ԱԳ նախարար Ջեյհուն Բայրամովը։
Նա ասել է, թե «Բաքուն Երևանին առաջարկել է փակել թշնամանքի էջը 2021 թվականին, և այդ կոչը մոտ մեկ տարի մնացել է անպատասխան»։
«Խաղաղության համաձայնագրի հինգ հիմնական կետերը Հայաստանին ներկայացվել են 2022 թվականի առաջին ամիսներին, և երկու երկրների միջև քննարկումները սկսվել են նույն թվականի հոկտեմբերին։ Խաղաղության համաձայնագրի առաջին նախագիծը նույնպես կազմվել է Ադրբեջանի կողմից և ներկայացվել է Հայաստանին։ Բանակցությունները տևել են մոտ երկուսուկես տարի։ Մեկ ամիս առաջ քննարկումներն ավարտվել են, համաձայնություն է ձեռք բերվել տեքստի շուրջ։ Բանակցությունների ընթացքում մենք տեղեկացրել ենք Հայաստանին և այլ շահագրգիռ երկրներին այդ հարցերի մասին։ Կան կարևոր գործոններ, որոնք պետք է հաշվի առնվեն։ Դրանցից ամենակարևորը Հայաստանի Սահմանադրությունում Ադրբեջանի նկատմամբ տարածքային պահանջների առկայությունն է։ Քանի դեռ դա շարունակվում է, խաղաղության համաձայնագրի ստորագրումն անհնար է։ Անհրաժեշտ է փոխել Հայաստանի Սահմանադրությունը»,- հայտարարել է Բայրամովը։
Ըստ նրա՝ Ադրբեջանի մեկ այլ պայման կապված է 1990-ականներին Ղարաբաղյան հակամարտությունը լուծելու համար ստեղծված ԵԱՀԿ Մինսկի խմբի լուծարման հետ։
«ԵԱՀԿ Մինսկի խումբը 30 տարվա ընթացքում որևէ արդյունքի չի հասել։ Ղարաբաղյան հարցն արդեն լուծված է, և այդ տարածքներն Ադրբեջանի մաս են կազմում։ Հայաստանը ևս դա ընդունել է։ Նման իրավիճակում Մինսկի խմբի գործունեությունը շարունակելու՝ Հայաստանի շարունակական ջանքերը մեզ մետ հարցեր են առաջացնում։ Մենք համառորեն պահանջում ենք Մինսկի խմբի լուծարում»,- ասել է Ադրբեջանի ԱԳ նախարարը։
Թարգմանությունը՝ Էմմա Չոբանյանի
