09.08.2026 | 16:37
Վթարային ջրանջատում Կտայքում և Երևանում
Չինաստանը 34 տոկոս պատասխան մաքսատուրքեր է սահմանում ԱՄՆ-ի բոլոր ապրանքների ներմուծման համար
Քաղաքականություն
04.04.2025 | 17:09
Չինաստանը հայտարարել է, որ ապրիլի 10-ից փոխադարձ 34% մաքսատուրքեր կսահմանի ԱՄՆ-ից ներմուծվող բոլոր ապրանքների համար՝ կատարելով հակահարված տալու խոստումը այն բանից հետո, երբ ԱՄՆ նախագահ Դոնալդ Թրամփը սրեց համաշխարհային առևտրային պատերազմը, գրում է CNN-ը։
«ԱՄՆ-ի այս գործելաոճը չի համապատասխանում միջազգային առևտրի կանոններին, լրջորեն խաթարում է Չինաստանի օրինական իրավունքներն ու շահերը և միակողմանի ահաբեկչական պրակտիկա է»,- ասվում է Չինաստանի Պետական խորհրդի Սակագնային հանձնաժողովի հայտարարության մեջ։
Ուրբաթ հայտարարված պատասխան միջոցառումների շրջանակում Պեկինը 11 ամերիկյան ընկերություններ է ավելացրել իր «անվստահելի կազմակերպությունների ցանկում», ներառյալ՝ անօդաչու թռչող սարքեր արտադրողները, և արտահանման հսկողություն է սահմանել ամերիկյան 16 ընկերությունների վրա՝ արգելելու չինական երկակի նշանակության ապրանքների արտահանումը:
Բացի այդ, Պեկինը նաև վերահսկողություն է սահմանել հազվագյուտ հողային օգտակար հանածոների յոթ տեսակների ԱՄՆ արտահանման վրա, այդ թվում՝ սամարիումի, գադոլինիումի և տերբիումի:
Հիշեցնենք, որ ԱՄՆ նախագահ Դոնալդ Թրամփը Չինաստանից ներմուծվող ապրանքների համար 34 տոկոս մաքսատուրքեր էր սահմանել։
Թարգմանությունը՝ Էմմա Չոբանյանի
