25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
Աշխարհի ամենահարուստ մարդիկ 1 օրում ընդհանուր 208 միլիարդ դոլար են կորցրել Թրամփի մաքսատուրքերի որոշման պատճառով
Քաղաքականություն
04.04.2025 | 12:57
Աշխարհի 500 ամենահարուստ մարդկանց կարողությունը ապրիլի 3-ին նվազել է, ընդհանուր առմամբ, 208 միլիարդ դոլարով: Արժեթղթերի շուկաները նվազել են այն բանից հետո, երբ ԱՄՆ նախագահ Դոնալդ Թրամփը հայտարարել է լայնածավալ առևտրային մաքսատուրքերի մասին, գրում է Bloomberg-ը։
Կորուստները չորս խոշորագույններից են ինդեքսի 13-ամյա պատմության մեջ և ամենանշանակալիցը՝ COVID-19 համաճարակի գագաթնակետից ի վեր։ Հինգշաբթի միլիարդատերերի կարողության կեսից ավելին անկում է ապրել՝ միջինը 3,3%-ով։
Ամենից շատ տուժել են ամերիկացի միլիարդատերերը, այդ թվում՝ Meta-ի և Amazon-ի հիմնադիրներ Մարկ Ցուկերբերգն ու Ջեֆ Բեզոսը: Երկու ընկերությունների բաժնետոմսերն ապրիլի 3-ին ընկել են 9%-ով:
Meta-ի արժեթղթերի արժեքի անկումը Ցուկերբերգի կարողությունը կրճատել է 17,9 մլրդ դոլարով, իսկ Բեզոսը կորցրել է 15,9 մլրդ դոլար՝ Amazon-ի բաժնետոմսերի գնի նվազման պատճառով։
Tesla ընկերության ղեկավար Իլոն Մասկի կարողությունը ապրիլի 3-ին նվազել է 11 մլրդ դոլարով: Էլեկտրական մեքենաներ արտադրող ընկերության կապիտալիզացիան նվազել է 5,5%-ով:
Թարգմանությունը՝ Էմմա Չոբանյանի
