13.12.2025 | 16:54
ԲԿ-ի տնօրենը պարզաբանել է՝ ինչպես է թուրքական շտապ օգնության մեքենան հայտնվել Նոր Նորքում
Թրամփը Մարին լը Պենի դեմ դատական գործընթացը «վհուկների որս» է անվանել
Քաղաքականություն
04.04.2025 | 14:38
ԱՄՆ նախագահ Դոնալդ Թրամփն իր աջակցությունն է հայտնել Ֆրանսիայի ծայրահեղ աջակողմյան կուսակցության առաջնորդ Մարին Լը Պենին այն բանից հետո, երբ ֆրանսիական դատարանը նրան մեղավոր է ճանաչել յուրացումների մեջ ու արգելել 5 տարի քաղաքական որևէ պաշտոնում առաջադրվել։
«Մարին Լը Պենի դեմ վհուկների որսը ևս մեկ օրինակ է, թե ինչպես են եվրոպացի ձախերն օգտագործում օրենքը՝ լռեցնելու ազատ խոսքը և գրաքննության ենթարկում իրենց քաղաքական հակառակորդին, այս անգամ հասնելով նրան, որ այդ հակառակորդին բանտ են նստեցնում: Սա նույն «խաղի պլանն» է, որն իմ դեմ օգտագործեցին մի խումբ խելագարներ և պարտվողներ, ինչպիսիք են Նորմ Էյզենը, Էնդրյու Վայսմանը և Լիզա Մոնակոն»,- գրել է Թրամփը Truth Social սոցցանցում։
Նա նշել է, որ չգիտի Մարին Լը Պենին, բայց գնահատում է, թե որքան քրտնաջան է նա աշխատել այսքան տարիներ։
«Նա կրել է պարտություններ, բայց շարունակել է առաջ գնալ, և հիմա այն, ինչ կարող էր լինել մեծ հաղթանակ, նրան փոքր մեղադրանք են ներկայացնում, որի մասին նա, հավանաբար, ոչինչ չգիտեր։ Ինձ համար «հաշվապահական» սխալի պես է հնչում։ Այս ամենը վատ է Ֆրանսիայի ու մեծ ֆրանսիացի ժողովրդի համար՝ անկախ նրանից, թե որ կողմում են նրանք։ Ազատությո՛ւն Մարին Լը Պենին»,- գրել է ԱՄՆ նախագահը։
Հիշեցնենք, որ դատարանի որոշմամբ Մարին լը Պենը 4 տարվա ազատազրկման է դատապարտվել, ևս 5 տարի նա չի կարողանա առաջադրվել որևէ պաշտոնում։
Թարգմանությունը՝ Էմմա Չոբանյանի
