03.04.2025 | 19:39
Կառավարական համարանիշով մեքենայի վարորդը տուգանվել է հանդիպակած գոտով երթևեկելու համար
Մարին լը Պենը 4 տարվա ազատազրկման է դատապարտվել․ ևս 5 տարի նա չի կարողանա առաջադրվել որևէ պաշտոնում
Քաղաքականություն
31.03.2025 | 17:02
Փարիզի դատարանը «Ազգային միավորում» կուսակցության ղեկավար Մարին լը Պենին, որին մեղավոր էր ճանաչել Եվրախորհրդարանի միջոցների յուրացման գործով, չորս տարվա ազատազրկման է դատապարտել (երկուսը՝ պայմանական, երկուսը՝ էլեկտրոնային թևնոցով, տնային կալանքի պայմաններում)։
Բացի այդ, նրան հինգ տարով արգելվել է առաջադրվել որևէ քաղաքական պաշտոնում։ Լը Պենը նաև պետք է վճարի 100 հազար եվրո տուգանք։
Ըստ մեղադրող կողմի՝ Լը Պենը և կուսակցության այլ պատգամավորներ, իբր, օգնականներ են վարձել Եվրախորհրդարանում աշխատելու համար, բայց իրականում նրանք բոլորը եղել են կուսակցության անդամներ, որոնք չեն ներկայացել աշխատանքի: Քննիչների տվյալներով՝ նրանց գործողություններից ընդհանուր վնասը կազմել է 2,9 մլն եվրո։
Բացի լը Պենից և ութ պատգամավորներից՝ մեղադրյալ են նրանց կողմից վարձված 12 օգնականները։ Գործով մեղադրյալները 25-ն են։
Նշենք, որ Մարին լը Պենի կուսակցությունը խորհրդարանական ընտրություններում դարձել էր Ֆրանսիայի Ազգային ժողովի երրորդ ամենամեծ քաղաքական ուժը։
Թարգմանությունը՝ Էմմա Չոբանյանի
