02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Նեթանյահուի այցի ֆոնին՝ Հունգարիան հայտնել է Միջազգային քրեական դատարանից դուրս գալու մասին
Քաղաքականություն
03.04.2025 | 14:52
Հունգարիայի կառավարությունը հայտարարել է, որ դուրս է գալիս Միջազգային քրեական դատարանից (ՄՔԴ), գրում է BBC-ն:
Այս մասին Հունգարիայի վարչապետ Վիկտոր Օրբանի կառավարության բարձրաստիճան պաշտոնյան հայտարարել է մի քանի ժամ անց այն բանից հետո, երբ Իսրայելի վարչապետ Բենիամին Նեթանյահուն, որը հետախուզվում է ՄՔԴ-ի ձերբակալության օրդերով, պետական այցով ժամանել է երկիր։
ՄՔԴ-ն իրավասու է քրեական պատասխանատվության ենթարկել ցեղասպանության, մարդկության դեմ հանցագործությունների և ռազմական հանցագործությունների մեջ մեղադրվողներին: Հունգարիան ՄՔԴ-ի հիմնադիր անդամն է, որը հաշվում է 125 անդամ պետություն և լինելու է այս դեպքում Եվրամիության առաջին երկիրը, որը դուրս կգա դրանից:
ԱՄՆ-ը, Ռուսաստանը, Չինաստանը և Հյուսիսային Կորեան այն երկրներից են, որոնք ՄՔԴ-ի մաս չեն կազմում, հետևաբար, չեն ճանաչում դրա իրավասությունը:
Իսրայելը նույնպես դատարանի կանոնադրության անդամ չէ։ Սակայն ՄՔԴ-ն 2021-ին որոշում է կայացրել, որ իր իրավասությունն ունի գրավյալ Արևմտյան ափի, Արևելյան Երուսաղեմի և Գազայի վրա, քանի որ ՄԱԿ-ի գլխավոր քարտուղարն ընդունել է, որ պաղեստինցիները կազմակերպության անդամ են:
Այժմ Հունգարիան պետք է գրավոր ծանուցում ուղարկի ՄԱԿ-ի գլխավոր քարտուղարին պայմանագրից դուրս գալու մասին։
Թարգմանությունը՝ Էմմա Չոբանյանի
