18.07.2026 | 18:00
«Ֆուռերի մեջ բեռնված ձուկը փչանում է, ի՞նչ անենք»․ ՌԴ-ի սահմանափակումներն ու ԵՄ-ի ընձեռած հնարավորությունը․ ՏԵՍԱՆՅՈՒԹ
Անհնար է միաժամանակ լինել ԵՏՄ-ում և ԵՄ-ում. Հայաստանը պետք է որոշի՝ որտեղ է ավելի լավ լինել․ Գալուզին
Քաղաքականություն
03.04.2025 | 11:15
Անհնար է միաժամանակ լինել ԵՏՄ-ում և ԵՄ-ում, Հայաստանը պետք է որոշի, թե որտեղ է ավելի լավ լինել։ Այս մասին ՌԻԱ Նովոստիի հետ զրույցում հայտարարել է ՌԴ ԱԳ փոխնախարար Միխայիլ Գալուզինը։
Ըստ Գալուզինի՝ ԵՏՄ-ն հավասար պետությունների ասոցիացիա է, մինչդեռ ԵՄ-ն մի կառույց է, որտեղ «փայտիկով կարգապահություն է՝ ստորադասված բրյուսելյան չինովնիկների կողմից իրականությունից կտրված հակառուսական նարատիվներով»։
«Պաշտոնական Երևանը պետք է որոշի, թե որտեղ է ավելի լինել: Հուսով ենք, որ ԵՏՄ-ին անդամակցության բոլոր օգուտները և ԵՏՄ-ի հետ խզման հետևանքով կորուստների մասշտաբները կբացատրվեն հայ հասարակությանը, որպեսզի հայ հասարակությունն ունենա իրականության օբյեկտիվ պատկերացում»,- հայտարարել է ռուսաստանցի պաշտոնյան։
Նա հավելել է, որ ՀՀ-ն ինքնիշխան պետություն է, որն ինքնուրույն է որոշում իր զարգացման վեկտորը։
Գալուզինը նաև հայտարարել է, որ Ռուսաստանն ու Հայաստանը բոլոր հրատապ հարցերը քննարկում են անկեղծության մթնոլորտում։
«Մենք Հայաստանի հետ դաշնակիցներ և ռազմավարական գործընկերներ ենք։ Դրա համար մեր օրակարգի բոլոր ընթացիկ հարցերը քննարկում ենք բաց և վստահության մթնոլորտում»,- ասել է նա՝ պատասխանելով հարցին՝ արդյո՞ք Մոսկվան պարզաբանում է խնդրել Երևանից՝ Հայաստանի խորհրդարանի կողմից ԵՄ-ին անդամակցելու օրինագծի ընդունման վերաբերյալ:
Թարգմանությունը՝ Էմմա Չոբանյանի
