06.12.2025 | 15:08
Մահացել է վիրաբույժ Արտավազդ Սահակյանը
Ալիևը հայտարարել է, թե Ադրբեջանի և Հայաստանի դիրքորոշումները խաղաղության հասնելու հարցում բավականին մերձեցել են
Քաղաքականություն
02.04.2025 | 13:13
Ադրբեջանի նախագահ Իլհամ Ալիևը և Գերմանիայի նախագահ Ֆրանկ-Վալտեր Շտայնմայերը Բաքվում տեղի ունեցած բանակցություններից հետո հանդես են եկել մամուլի համար հայտարարություններով։ Ալիևն անդրադարձել է նաև Հայաստանի հետ խաղաղության գործընթացին։
«Մեր պատմական հաղթանակը ճանապարհ է բացել խաղաղության բանակցությունների համար և կարծում եմ, որ այսօր Ադրբեջանի և Հայաստանի դիրքորոշումները խաղաղության հասնելու հարցում բավականին մերձեցել են»,-ասել է Ալիևը։
Նա նշել է, որ Գերմանիայի նախագահին մանրամասն տեղեկացրել է խաղաղության գործընթացի մասին։
Ալիևը, միաժամանակ, հայտարարել է, թե «Լեռնային Ղարաբաղի Հանրապետությունը, որի հարցը մինչև 2024 թվականի հունվարը Հայաստանը պնդում էր ներառել խաղաղության համաձայնագրում, գոյություն չունի, այն կա միայն Հայաստանի երևակայության մեջ։ Կա միայն Ադրբեջանի Ղարաբաղի շրջան»։
Թարգմանությունը՝ Էմմա Չոբանյանի
