18.12.2025 | 18:26
ԱՄՆ-ն առաջարկել է Զապորոժիեի ԱԷԿ-ն օգտագործել երեք երկրների համար. Կիևը դա անարդար է համարում. Զելենսկի
Ադրբեջանի Մեջլիսի հանձնաժողովի նախագահը մերժել է Սարգիս Խանդանյանի հանդիպման առաջարկը
Քաղաքականություն
01.04.2025 | 12:17
Ադրբեջանի Միլլի Մեջլիսի արտաքին հարաբերությունների հանձնաժողովի նախագահ Սամեդ Սեիդովը մերժել է ՀՀ Ազգային ժողովի արտաքին հարաբերությունների հանձնաժողովի նախագահ Սարգիս Խանդանյանի՝ հանձնաժողովների համատեղ հանդիպում անցկացնելու առաջարկը։
«Իմ ադրբեջանցի գործընկերը հրապարակային մերժել է հանդիպման իմ առաջարկը խաղաղության համաձայնագրի նախագծի շուրջ կարծիքներ փոխանակելու համար՝ նույնիսկ ինձ անվանելով «պոպուլիստ»։ Եթե խաղաղության քարոզչությունը պոպուլիզմ է, ապա ես հպարտորեն ընդունում եմ պիտակն այնքան ժամանակ, որքան անհրաժեշտ է»,- գրել է Խանդանյանը X-ի իր միկրոբլոգում։
Նա հավելել է, որ իր առաջարկը մնում է սեղանին։
«Ես պատրաստ եմ ներգրավվել միջխորհրդարանական մակարդակով վստահության ամրապնդման միջոցառումների մեջ՝ անխոնջ աշխատելով մեր տարածաշրջանում խաղաղության և կայունության համար»,- նշել է Խանդանյանը։
Թարգմանությունը՝ Էմմա Չոբանյանի
