25.05.2026 | 11:36
ԱՄՆ պաշտոնյաները հայտարարել են, որ Իրանի հետ համաձայնագիրը 95%-ով պատրաստ է
Շուտով կրկին կայցելեմ Սյունիք․ ՀՀ-ում ԱՄՆ դեսպան Քրիստինա Քվին
Քաղաքականություն
28.03.2025 | 16:19
ՀՀ-ում ԱՄՆ դեսպան Քրիստինա Քվինը անդրադարձել է Սյունիք կատարած այցին ու տեսանյութ է հրապարակել։
«Այս շաբաթ Սյունիքում եղա, այցելեցի մեր գործընկերներին ու բարեկամներին։
Մարզպետ Ռոբերտ Ղուկասյանի և տեղական պաշտոնյաների հետ հանդիպումների ընթացքում անդրադարձ կատարեցինք մարզում առկա մարտահրավերներին ու հնարավորություններին։ Գորիսում այցելեցի Եվրամիության դիտորդական առաքելության ներկայացուցիչներին՝ վերստին փաստելու ԱՄՆ աջակցությունը Հայաստանի տարածքային ամբողջականությանը և ընդգծելու Հայաստանի և Ադրբեջանի միջև տևական խաղաղության հաստատման կարևորությունը։
Ես նաև այցելեցի ամերիկյան «ՔոնթուրԳլոբալ Հիդրո Կասկադ» ՓԲԸ և «Ջի Թի Բի Սթիլ» ընկերություններ, որոնք հանդիսանալով խոշոր ամերիկյան ներդրումներ Հայաստանում՝ ամերիկյան նորարարությունների և տեխնոլոգիաների միջոցով իրենց նպաստ են բերում Հայաստանի տնտեսական բազմազանեցման, էներգետիկ անվտանգության և արդյունաբերական աճի հարցերում։
Շնորհակալություն եմ հայտնում սյունեցիներին հյուրընկալության համար։ Շուտով ես կրկին կայցելեմ Սյունիք»։
Տեսանյութը՝ այստեղ։
