25.06.2026 | 14:33
Սոցիալական կրեդիտներից գումար կհատկացվի լրատվամիջոցներին, կուսակցություններին և ՀԿ-ներին՝ քաղաքացիների ընտրությամբ
Իլոն Մասկն անդրադարձել է Starlink-ի գործարկմանը Հայաստանում
28.03.2025 | 10:01
Starlink-ն այժմ ակտիվ է Հայաստանում. X-ի իր միկրոբլոգում գրել է Tesla-ի, SpaceX-ի, OpenAI-ի համահիմնադիր Իլոն Մասկը՝ կից հրապարակելով նաև Starlink-ի գրառումը․
«Starlink-ն այժմ գործում է Հայաստանում։ Հայաստանը աշխարհի 130-րդ երկիրն է, ուր հասանելի է Starlink-ի գերարագ ինտերնետ ծառայությունը»։
Նորությամբ իր էջում կիսվել է նաև ՀՀ վարչապետ Նիկոլ Փաշինյանը։
«Starlink արբանյակային ինտերնետը այլեւս հասանելի է Հայաստանում #ինչպեսխոստացելէի։
Starlink–ի բաժանորդները կարող են իրենց աշխատանքը կազմակերպել Հայաստանի Հանրապետության ողջ տարածքում, բնության գրկում, սարերում, դաշտերում, անտառներում՝ մնալով անմիջական կապի մեջ աշխարհի եւ բնության հետ»,- գրել է վարչապետը։
Նշենք, որ նախօրեին գրառում էր կատարել նաև ԲՏԱ նախարար Մխիթար Հայրապետյանը․
«Դե ինչ, 𝗦𝗧𝗔𝗥𝗟𝗜𝗡𝗞-ը պաշտոնապես Հայաստանում է։
Ուրախ ենք հայտնել, որ 𝗦𝗧𝗔𝗥𝗟𝗜𝗡𝗞-ի ծառայությունները Հայաստանում արդեն հասանելի են՝ ապահովելով արագ, հուսալի արբանյակային ինտերնետ՝ քաղաքներից մինչև ամենահեռավոր գյուղերն ու դժվարամատչելի շրջանները։Այս կարևոր քայլը հնարավոր դարձավ Հայաստանի բարձր տեխնոլոգիական արդյունաբերության նախարարության, 𝗦𝗧𝗔𝗥𝗟𝗜𝗡𝗞 ընկերության և պետական գործընկերների համատեղ ու նվիրված աշխատանքի շնորհիվ։
Ինչո՞ւ է սա կարևոր՝–Թվային ենթակառուցվածքների նոր մակարդակ՝ անվտանգ, որակյալ կապի ապահովմամբ։– Հասանելիություն համաշխարհային առաջատար ծառայություններին։– Կապի նոր հնարավորություններ բոլորի համար՝ անկախ գտնվելու վայրից»։
Հիշեցնենք, որ Երևանում անցկացված Նորարարության և տեխնոլոգիաների համաշխարհային կոնգրեսի՝ WCIT2024-ի ընթացքում Իլոն Մասկն ուղերձ էր հղել և խոսել Starlink-ը Հայաստան բերելու մասին։
