08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ԱՄՆ պետքարտուղարը Թուրքիայի ԱԳ նախարարին խնդրել է աջակցել Ուկրաինայում ու Հարավային Կովկասում խաղաղությանը
Քաղաքականություն
26.03.2025 | 09:52
Պետքարտուղար Մարկո Ռուբիոն այսօր հանդիպել է Թուրքիայի արտաքին գործերի նախարար Հաքան Ֆիդանի հետ՝ քննարկելու անվտանգության և առևտրի հիմնական հարցերում համագործակցությունը․ տեղեկանում ենք Պետքարտուղարությունից։
«Պետքարտուղար Ռուբիոն խնդրել է Թուրքիայի աջակցությունը Ուկրաինայում և Հարավային Կովկասում խաղաղության հաստատման հարցում։ Նա բարձր է գնահատել Թուրքիայի առաջնորդությունը «Իսլամական պետություն» ահաբեկչական խմբավորման դեմ գլոբալ կոալիցիայում և վերահաստատել է կայուն, միասնական ու խաղաղ Սիրիայի անհրաժեշտությունը, որը չի ծառայի որպես միջազգային ահաբեկչության հիմք կամ Իրանի ապակայունացնող գործողությունների ուղի։
Պետքարտուղարը նշել է երկկողմ առևտրի վերջին զարգացումները և խրախուսել ավելի մեծ տնտեսական համագործակցություն ապագայում։ Վերջում նա մտահոգություն է հայտնել Թուրքիայում վերջերս տեղի ունեցած ձերբակալությունների և բողոքի ցույցերի կապակցությամբ»,- ասված է հաղորդագրությունում։
Թարգմանությունը՝ Անահիտ Խաչատրյանի
