25.05.2026 | 12:29
«Խոսակցությունները չեն համապատասխանում իրականությանը»․ ԿԳՄՍ-ն՝ Արտամետի Գուրգեն Մարգարյանի անվան դպրոցի փակման մասին
Թուրքիայում 37 մարդ է ձերբակալվել սոցցանցերում Ստամբուլի ընդդիմադիր քաղաքապետի վերաբերյալ հրապարակումների համար
Քաղաքականություն
20.03.2025 | 13:46
Թուրքիայի ներքին գործերի նախարար Ալի Երլիքայան հայտարարել է, որ իշխանությունները հայտնաբերել և միջոցներ են ձեռնարկել Ստամբուլի ընդդիմադիր քաղաքապետ Էքրեմ Իմամօղլուի ձերբակալությունից հետո սոցիալական ցանցերում «սադրիչ գրառումների դեմ»։ Բացահայտված 261 կասկածյալներից 37-ը բերման են ենթարկվել, գրում է Turkiye today-ը։
«Այն բանից հետո, երբ Ստամբուլի Գլխավոր դատախազությունը 106 կասկածյալների, այդ թվում՝ Ստամբուլի քաղաքապետի նկատմամբ ձերբակալելու հրամաններ արձակեց, որոշ սոցիալական մեդիա էջերում հայտնաբերվել է սադրիչ բովանդակություն, որը դասակարգվել է որպես «ատելության և թշնամանքի հրահրում» և «հանցագործության սադրանք»։ Հայտնաբերվել են 261 օգտահաշիվների տերեր, այդ թվում՝ 62-ը՝ արտասահմանում: Կիբերհանցագործությունների դեմ պայքարի վարչության և Անվտանգության տնօրինության համակարգված ջանքերի արդյունքում ձերբակալվել է 37 կասկածյալ, մնացած անձանց հայտնաբերելու ուղղությամբ աշխատանքները շարունակվում են»,- ասել է Երլիքայան։
Իշխանությունները նշում են, որ ձերբակալումների պահից մինչև 2025 թվականի մարտի 20-ի առավոտյան ժամը 06:00-ն X-ում տարածվել է գործի հետ կապված 18,647,269 գրառում: Հետազոտությունները պարզել են, որ այս գրառումների 66%-ը անձնական հաշիվներից են, 34%-ը՝ բոտային հաշիվներից։
Ստամբուլի քաղաքապետ Էքրեմ Իմամօղլուն ձերբակալվել է ահաբեկչության, կոռուպցիայի և կաշառակերության մեղադրանքների հետաքննության շրջանակում։ Նա համարվում է Թուրքիայի նախագահՌեջեփ Թայիփ Էրդողանի գլխավոր մրցակիցը առաջիկա նախագահական ընտրություններում։
Նախօրեին Թուրքիայի տարբեր քաղաքներում հազարավոր մարդիկ էին դուրս եկել բողոքի ակցիաների՝ ի աջակցություն Իմամօղլուի։
Թարգմանությունը՝ Էմմա Չոբանյանի
